Retokada’g ilong!

Hugyaw nga BisChika mga Ka- BisChikadora!  “BER“months  na ug dali kaayo ang dagan sa panahon, inig mata nimo Pasko na diay unya matapos na ang tuig. Mao nga sa dili pa matapos ang tuig ang inyong Yur’s truly kay naghinayhinay na og balik alindog program kay murag dili na gyud madala kay inig tan-aw nako sa akong nawong sa samin makaingon ko nga heavy na gyud kadako ug mintras wala pa nawala akong liog mao nga sugdan na nato kining bawas timbang! Hahahahahhaha! Mintras wala pa, broken -hearted tungod sa akong lawas nga murag aliwas! Hahahahahaha!

Pero kining atong Kinsa Siya kay mahitungod sa usa ka aktres nga makaingon ko nga ang marka nga naa sa iyang nawong kay nagpahinumdum sa usa ka…. Unsa man? Mao kini ang gi BisChika sa atong Kinsa Siya Insider (KSI ). Panukad na!  Usa ka adlaw niana ang atong KSI niadto sa usa ka isla para iyang himamaton ang mga bida sa usa ka pelikula, gumikan lagi kay ang isla nga ilang gi shootingan duol sa iyang kasingkasing. Pag –abot niya sa maong lugar, nakita niya ang mga bida nga lingaw kaayo sa ilang gibuhat nga mga eksena. Mas nalingaw ang atong KSI kay ang mga bida game kaayo. Unya dunay mga eksena nga mag two-piece sila kay naa baya sa isla. Kever ang mga bidang babaye, feeling sa atong KSI dunay “K “as in Karapatan kay sexy man gyud daw. Ug sa dihang gitawag na ang atong Kinsa Siya Insider (KSI) para iyang ma BisChika dali kini kaayo nakaadto sa waiting area. Pag-interview niya sa usa ka sexy aktres nga usa usab sa mga bida kalit kining nihunong sa makadiyot ug ni lenggua si KSI sa sexy aktres nga dunay murag mark sa iyang ilong. Yano ra kaayo nitubag ang sexy aktres sa atong KSI nga okey ra ang marka nga iyang nakit-an, dili daw kini hugaw, kining murag dunay linya sa iyang ilong inagian diay sa iyang pagpa nose job! Planggana nga walay tubig! Confident si sexy aktres nga ni BisChika sa atong KSI nga “Thank you, Doc “ iyang ilong. Well, nindot pagkahimo ang iyang ilong ha? Nibagay sa iyang nawong, mas nigawas ang iyang pagka-gwapa og pagka sexy. O, di ba? Bongga ra? Walay lipud-lipud iya kining giangkon. Si KSI nga na-shock very light ug nikatawa og very light pud. Kinsa Siya kining sexy aktres? Adunay pelikula karun, usa siya sa mga produkto sa usa sa mga artista search sa telebisyon. Tungod sa iyang manager nibalhin siya sa laing network, pagkahuman sa iyang kontrata sa iyang manager,nilayat na usab siya sa usa ka network karun. Usa sa mga sexiest woman ug nag cover na sa mga sexy magazine. Makaingon ko nga ang pagpausab sa parte sa imong nawong kay okey lang basta ang tumong niini mas mo-enhance sa imong katahom. Magpailong kaha ko? Hahahahhaha! 

Sa laing bahin, Congratulations to Stephanie sa iyang concert last Sunday. Hugyaw na kung Hugyaw kay sa production pa lang gipangandaman, mga gisul-ob niya sa mga production numbers bongga usab kaayo ug labaw sa tanan hugyaw ang mga guests nga nakahatag usab og dakong tampo sa kalampusan sa concert. Mabuhay ka Stephanie ug Mars Aida Patana for a job well done… Ang pangutana karun? Unsay sunod nga buhaton ni Steph? Ang mga Updates inyong mahibaw-an sa Banat Hugyaw!

Happy Birthday to my sisterette Rea Calo! More Birthdays to come and stay blessed!