Unsa man gyud?

CEBU, Philippines - Pahiyom ra ang gitubag ni Jodi Sta. Maria sa dihang gipangutana siya kun aduna ba siya’y gi-date karong panahona. Taudtaud na nga gidungog nga nagkahanap ang relasyon nila ni  Jolo Revilla apan nakit-an ang duha sa opening sa usa ka  tindahan sa  miaging semana.

Kung si Wally ang pasultion

Gibutyag ni Wally Bayola nga gusto niya magkadayon sila si Alden Richards ug Maine Mendoza luyo sa kamera.Matud pa ni Wally nga wala kini problema tungod kay susama man nga   single ang duha. Nasayod hinuon si Wally nga lisod pa kini nga mahitabo karong panahona gumikan  kay puros trabaho ang prayoridad niini.

Sinehan gipareserba

Nagpareserba ang TV ug Radio host nga si Tim Yap og  tibook   sinehan alang sa pelikula nga Finding Dory. Matud pa ni Tim nga usa kini ka birthday celebration alang sa iyang higala nga  kanhi model nga si Apples Aberin .

Sayon na lang

Giangkon ni Kylie Padilla nga dili na bag-o kaniya ang klase nga training nga iyang gibuhat isip preparasyon sa  iyang role nga Amihan sa Encantadia gumikan kay  gi-train na  siya sa iyang amahan nga si Robin Padilla og combat sports sukad pagkabata.

Swipe

Sila si Gabby Eigenmann ug  ang bag-ong actor nga si Rob Moya  ang bida sa indie  film  nga  Swipe . Ang  writer-director ug kasamtangang director sa University of the Philippines Film Institute nga si Ed Lejano maoy mogama niini

Camille mapasalamaton

Gitataw ni Camille Prats nga nisamot og duna’y  bili  alang kaniya ang pulong nga “Thank you” sukad naabot ang iyang anak nga si Nathan sa iyang kinabuhi.”Mas naramdaman ko to be sincerely grateful when I had Nathan kasi feeling ko may pinag-iingatan akong buhay, so grateful ako sa bawat araw na nakakasama ko siya, na ligtas siya, na healthy siya,”suma pa ni Camille.

Makat-on dayon

Nasurprisa si Hayden Kho sa mga nakat-onan sa iyang anak nga si Scarlet Snow ilabi na sa pagsulti. Matud pa ni Hayden nga eye-opener kini para kaniya nga mas magbantay sa iyang mga pulong tungod dali ra makahinumdom si Scarlet sa iyang mga madunggan.

Anne naghudyaka

Nagmaya si  Anne Curtis sa dihang nasayran niya nga usa siya sa napilian ni   Gary Valenciano nga mahimong parte sa umaabot nga album niini.”Natuwa ako. Na-touch  because of course it’s such a great opportunity. Number one it’s something that will raise funds for UNICEF and pangalawa masaya kasi si kuya Gary ang nag-invite. Wow, major yun. So nakakaaliw. Ibig sabihin improving na talaga!”saysay pa ni Anne.

Proud sa anak

Gibutyag ni Pia Magalona nga proud siya  sa iyang anak nga si Elmo Magalona tungod sa performance sa  bag-ong serye sa ABS-CBN nga  Born For You kauban si Janella Salvador.

Wala madayon

Gitataw ni Glaiza De Castro nga wala  gyud makatungtong  sa  seryosong relasyon  ang status nila ni Benjamin Alves.

Matud pa sa aktres  nga wala sa timing ang pagpanguyab ni Benjamin hinungdan nga kutob ra sila sa “getting to know each other” stage.