Sugbuanong designer nakadaog sa Tony Awards

CEBU, Philippines - Ang Sugbunaon nga costume designer nga si Clint Ramos maoy ikaupat nga Pinoy  nga nahatagan og rekognasyon sa  Tony Awards o  nailhan usab isip Antoinette Perry Award for Excellence in Theatre. 

Nagbase si Clint sa New York  ug napili ang iyang mugna isip Best Costume Design in a Play alang  sa  Eclipsed sa  70th Annual Tony Awards sa miaging gabii  sa  Beacon Theater sa  New York City.

Kahinumduman nga gipasidunggan usab sa maong award-giving body kaniadto sila si Lea Salonga, Jhett Tolentino, ug ang  Fil-Am songwriter nga si  Robert Lopez.

Gibidahan ang Eclipsed sa Oscar winning actress Lupita Nyong’o, ug sinuwat kini ni  Danai Gurira ug ubos sa direksyon ni  Liesl Tommy.

’When I heard my name, I actually kind of blacked out, you know... I just wanted to get to that stage as fast as possible, say my speech as fast as possible because I didn’t want to be cut off. They’re very strict about the time,” matud pa niya sa interview sa  BroadwayWorld.com.

Coco misalmot sa Oplan Balik Eskwela

Nangunay ang Kapamilya actor nga si Coco Martin sa pag-apod apod og school supplies alang sa mga tinun-an sa pagbukas sa klase niadtong Lunes.

Nisalmot ang aktor sa Oplan Balik Eskwela uban sa mga staff sa Dreamscape didto sa  Paradise Farm Elementary School sa San Jose Del Monte.

Gawas sa school supplies, nanghatag pud si Coco og mga t-shirt ug bag.

Matud pa sa aktor nga gaan kaayo ang iyang paminaw nga makakita og mga bata nga malipayon. (BANAT NEWS)