Nakatabang ang pagsuroy

Gitataw ni Coleen Garcia nga nakatabang ang pagsuroy nila sa iyang uyab nga si Billy Crawford sa lain-laing lugar aron mas molig-on ang ilang relasyon. Matud pa ni Coleen nga mas nakaila siya ni Billy tungod sa ilang pagsuroy, “It really makes you learn about each other. We know every single thing about each other.Like, we know the other person doesn’t want to do this and we know that this person, you know, can’t stand this.Even the way we pack, the way we handle ourselves, the way we take care of ourselves when we’re not in our comfort zones”,saysay ni Coleen.

Gipanalipdan sa BFF

Mitingog na  ang bestfriend ni Daniel Padilla nga si Pat Sugui mahitungod sa mga pagsaway nga nadawat sa aktor ilabi na sa batasan niini. Matud pa ni Pat nga buotan nga pagkatawo si Daniel busa dili makiangayon ang mga pagsaway nga nadawat niini.

Prayoridad  ang anak

Gibutyag ni Jennica Garcia-Uytingco nga prayoridad  niya ang iyang pagka-inahan busa dili pa niya matino kung kanus-a siya mobalik sa showbiz. Suma pa sa aktres nga dali ra siya mingawon sa iyang anak busa dili pa siya andam modawat og mga proyekto.

Tippy migradwar sa kolehiyo

Migradwar  na ang Myx VJ nga si Tippy Dos Santos sa kursong FLCD (Family Life and Child Development) sa University of the Philippines Diliman.Nagpasalamat ang host sa iyang ginikanan kinsa iyang inspirasyon sa pagkab-ot sa iyang damgo.

Mitubag sa bashers

Gitubag ni Alma Concepcion ang  netizens nga mitawag  kaniya og “papansin” tungod sa iyang pag apil-apil  sa paghatag og komento sa   kontroberysal nga concert didto sa kaulohan.Suma pa ni Alma nga dili na siya interesado  mobalik sa showbiz busa dili na kinahanglan nga magpatagad siya og  balik. 

Wala’y  reklamo

Okay lang alang kang Trina “Hopia” Legaspi nga support actress  ra siya kang Kiray Celis sa pelikulang I love You To Death. Matud pa ni Trina nga nibalik siya sa sinugdanan tungod dugay siya wala nagka project hinungdan nga okay lang kaniya nga hatagan siya og bisan unsa nga role.

Kontrabida nga dili common

Gibutyag ni Ayen Laurel nga dili common ang iyang pagka- kontrabida sa bag-ong serye sa ABS-CBN nga  Born For You  nga gibidahan nila ni Elmo Magalona ug Janella Salvador. Suma pa ni Ayen nga masabtan ra  puhon sa kadaghanan ang iyang papel sa maong serye.

Wala’y  romantic feelings

Giklaro ni  Enchong Dee nga dili gyud mahitabo nga magkauyab sila sa iyang bestfriend nga si Bea Alonzo. Matud pa ni Enchong nga kontento na siya sa ilang sitwasyon ug bilib kaayo siya kang Bea gumikan kay mao kini madali-dali  niya og duol kung duna siya’y mga problema.

Nalakip sa aldub movie?

Gikagubtan karon sa AldubNation ang Instagram  post ni Yayo Aguila kung diin kauban niya sa hulagway sila si  Maine Mendoza,William Martinez ug Luis Alandy. Posibleng nalakip si Yayo sa upcoming movie sa AlDub.

Julia nakadayeg

Gidayeg ni Julia Clarete ang usa ka hulagway ni Sebastian Duterte kuyog ang iyang igsoon nga si Sarah Duterte nga simpleng nagkaon. Matud pa sa ex-host sa Eat Bulaga nga saludo siya sa ka-simple sa mga anak sa umaabot presidente  nga si Rodrigo Duterte.