Baguhang Kapuso star na si Kim Domingo mga pamilyado at pulitiko ang ‘market’!

SEEN: Lumipad si Edu Manzano sa New York dahil inihatid niya ang kanyang anak at Bench endorser na si Adie. Mag-aaral si Adie sa isang university sa New York.

SCENE: Dapat tutukan ni Quezon City Mayor Herbert Bautista at Quezon City Police ang Cambridge St. sa Cubao, Quezon City dahil nakakalat pa rin ang mga menor de edad na bata, kahit dis-oras na ng gabi at ang mga kalalakihan na nakahubad habang umiinom ng alak sa tabing kalsada.

SEEN: Mali ang paghingi ng paumanhin at alok na fare refund ng Philippine Airlines management sa super model na si Karlie Kloss dahil ito ang may kasalanan kaya naiwanan siya ng eroplano. Late na nag-check in ang prima donna supermodel na ginamit ang kanyang supermodel status para i-bash ang PAL.

SCENE: Mga pulitiko at mga pamilyadong lalake ang nali-link sa starlet na si Kim Domingo na younger version ni Congresswoman Lucy Torres.

SEEN: Nag-zumba kahapon ang official candidates ng Miss Manila 2016, kasama ang  mga pulis ng Maynila. Kokoronahan sa June 24 ang bagong Miss Manila na joint project ng City of Manila at ng MARE Foundation ni former First Lady Dra. Loi Ejercito.

SCENE: Naaliw nang todo ang viewers ng Ang Probinsyano sa eksena ng pagkanta ni Simon Pineda alias Onyok ng May Tatlong Bibe at sa “gay interpretation” ni McNeal Briguela aka Mak Mak.