Buwag na

CEBU, Philippines - Gikompirmar ni Regine Tolentino nga usa ka tuig na sila nga buwag  sa iyang bana nga si Lander Vera-Perez human sa 18 ka tuig nilang panag-uban. Gibutyag sa dance instructor nga naka move-on na siya karon.

Anak ni Camille nag-artista

Proud nga gipaambit ni  Camille Prats sa iyang Instagram account  ang  hulagway sa unang adlaw  sa  iyang anak nga si Nathan sa set  sa  Kiddie gag show sa Kapamilya network nga Goin’ Bulilit. Mapasalamaton ang aktres gumikan kay hingpit na gyud nga nisulod sa showbiz ang iyang anak.

Foreigner ang gusto

Gibutyag ni Patricia Tumulak nga type niya nga makauyab og  non-showbiz nga foreigner. Mga Pinoy ang nauyab kaniadto ni Patricia busa ganahan na pud siya nga makasuway og lain nga nationality.

Conan mibisita sa  Encantadia

Nahimamat  na  ni Rocco Nacino ang Australian actor nga si Conan Stevens sa set sa Encantadia.Si Conan ang midala sa papel  nga The Mountain sa Emmy award-winning fantasy-drama series nga Game of Thrones.Wala gihapon gisaba ang  rason kun nganung mibisita kini sa set sa Encantadia.

Gipaneguro daan

Gipaneguro  ni Elmo Magalona nga dili maka-apekto sa relasyon nila sa  Kapuso star nga si Janine Gutierrez  ang  tandem nila ni  Janella Salvador sa TV screen. Sila si  Elmo ug Janella maoy nagpares sa seryeng Born For You.

Bukas sa mature role

Gitataw ni Toni Gonzaga nga human sa bag-ong chapter sa iyang kinabuhi, bukas na usab siya  sa mas mature nga mga  role.   Gusto ipamatuod sa aktres nga dili lang siya kutob sa romantic comedy projects.

Cedric mi-deny

Gihimakak ni Cedric Lee ang pasangil ni Vina Morales nga iyang gidala ang ilang anak nga si  Ceana  sulod sa siyam ka  adlaw samtang nibakasyon ang aktres sa laing nasud. Nasayran nga nireklamo si Vina gumikan kay matud pa wala motuman si Cedric sa kamandoan sa korte nga matag Sabado ra  kini puwede nga makakita  sa ilang anak. – (BANAT NEWS)