Libro ni Juday gipasidunggan

CEBU, Philippines - Nakadawat og International Award ang unang cook book ni Judy Ann Santos nga Judy Ann’s Kitchen sa Gourmand World Cookbook Awards 2016.

Ang Gourmand Award gihulagway nga Oscars of Food Awards sa Paris. Ang maong competition maghatag og awards matag tuig alang sa mga best cookbook  ug wine.

Gi-post ni Judy Ann sa iyang Instagram account ang iyang dakong pasalamat sa mga nagpaluyo sa iyang cookbook.

“Oh my!!! Tumalon ang puso ko!! Never really expected this. But, oh wow! I am beyond grateful!! To the whole team who helped in making my dreams come true, cheers to us!!! Maraming maraming maraming salamat po!!,” suma pa sa Instagram post sa aktres.

Gipasalamatan usab niya ang iyang bana nga si Ryan Agoncillo sa kanunay nga pagsalig   ug suporta kaniya.

Gustong mapares

Gibutyag sa 69th Cannes Film Festival Best Actress nga si Jaclyn Jose nga gipangandoy gyud niya nga makauban sa  pelikula ang pipila ka  Hollywood male stars nga sila si  Tom Cruise, Brad Pitt, Al Pacino ug Richard Geer.  Ang giidolo gyud niya og maayo mao ang  Best Actor  sa Oscar 2016 nga si Leonardo DiCaprio.  

Mark bida sa Conan

Si  Mark Herras maoy himoon bida sa umaabot nga show sa  GMA 7 nga Conan, My Beautician busa mapasalamaton ang aktor sa dakong oportunidad nga iyang nadawat. “Sobra po akong nagpapasalamat, specially unang-una sa GMA for trusting me once again na ipakita ‘yung kaya kong ipakita and after a very very long time, ngayong lang ulit ako nabigyan ng role na talagang iikot ‘yung story sa akin,” suma pa ni Mark.

Sweet message sa uyab

Mi-post og sweet nga mensahe sa iyang Instagram account  si Kobe Paras alang sa iyang Filipino-American model girlfriend nga si Gabrielle Current  . Gisaulog sa duha ang ilang  6th  monthsary.  Sa post ni Kobe, dako matud pa ang iyang  kausaban sa iyang kaugalingon sukad naabot si Gabrielle sa iyang kinabuhi. Makaingon siya nga bulahan siya nga pagkatawo gumikan kay nauyab niya si Gabrielle.

Komportable kang Maris

Komportable kaayo ang usa sa miyembro sa Hashtags sa It’s Showtime nga si McCoy de Leon sa iyang ka-partner nga si Maris Racal nga usa usab ka miyembro sa Girl Trendz sa It’s Showtime. Matud pa ni McCoy nga dili gyud siya laayon  kung si Maris ang iyang katabi. —Leslie Marie M. Tumulak CNU Communication Intern

Dako og responsibilidad

Giangkon ni Glaiza De Castro nga dako nga responsibilidad ang iyang gidala sukad iyang gidawat ang karakter  nga Pirena sa Encantadia. Gibutyag usab sa aktres  nga nakuyawan siya masayop tungod kay  gitan-aw siya sa mga kabataan isip usa ka role model. “Pero magandang blessing nga ‘yun, magandang responsibility kasi kapag naman gumawa ka ng tama, maganda rin naman ‘yung ibabalik sa ‘yo. Tama rin naman ‘yung ibibigay sa ‘yo. So magandang batayan ‘yun ng buhay,”matud sa actress.

Prayoridad ang  pamilya

Gibutyag ni Rica Peralejo-Bonifacio nga andam siya modawat og proyekto apan kinahanglan nga dili ma-conflict ang oras niini alang sa iyang  pamilya  nga mao gyud ang iyang prayoridad.Dugang pa ni Rica  nga gusto niya og normal nga kinabuhi maong sige siya og larga.  Iyang gihulagway ang iyang acting career nga parte na lang sa iyang kagahapon.

Aduna’y kagawasan

Gitataw ni Coleen Garcia nga adunay posibilidad nga modawat gihapon siya og sexy roles inigkaabot sa panahon nga magpakasal na sila ni Billy Crawford.Nagdepende ra gyud ang tanan sa dagan sa iyang career.  Matud pa niya nga wala nagdepende kang Billy ang iyang sexy nga imahe.

Karla mitingog

Tsika pa ni Karla Estrada nga konsensiya na lang sa mga tawo nga nibuhat og dirty sign sa iyang anak nga si  Teen King Daniel Padilla atol sa show niini sa  Iligan City. Dugang pa niya nga dili na angayan patulan ang bashers sa iyang anak gumikan kay wala na kini mga pulos.

Dili iatbang

Gitataw sa direktor sa bag-ong KathNiel movie nga si Olivia Lamasan nga dili pa sa July ipagawas ang pelikula nila ni Kathryn Bernado ug Daniel Padilla  busa dili  tinuod ang report nga mao kini ang iatbang sa pelikula nila ni Alden Richards ug Maine Mendoza.  Nagkanayon ang direktor  nga wala pa maghisgot ang Star Cinema sa play date sa maong proyekto. — (BANAT NEWS)