KC Kapamilya gihapon

CEBU, Philippines - Gitubag ni KC Concepcion ang mga netizens nga nagkwestyon kaniya kung nganong wala na siya proyekto sa telebisyon. Gitataw ni KC nga naa pa siya’y kontrata sa ABS-CBN ug mapasalamaton siya nga aduna gihapon  siya’y hosting ug guesting. “Why can’t people understand that I love my life right now? Do you have to accept movie or teleserye projects to be able to say you’re “happy?”, matud ni KC.

Natuman na gyud

Gikalipay og maayo  ni Julia Barreto ang pagsulod  sa  iyang manghod nga si Claudia Barreto sa music industry .Nagsugod na sa  recording si Claudia alang sa umaabot niya nga album.Giingong dugay na kaayo kini nga gipangandoy sa iyang manghod.

Julie Anne mag-maestra 

Human nigradwar si  Julie Anne San Jose sa  kolehiyo niadtong Martes , nagplano ang singer nga motungha og balik aron makaangkon og   Master’s Degree. Motrabaho usab si  Julie Anne isip college teacher sunod tuig sa  Angelicum College .

Pasalubong

Nagpadala og pasalubong si Isabelle Daza sa iyang mga kaubanan kaniadto sa Eat Bulaga. Bisan wala na si Isabelle sa maong show,  nagpabilin gihapon ang iyang kasing-kasing isip Dabarkads.   Nibakasyon si Isabelle dili pa lang dugay didto sa Europe. (BANAT NEWS)