Churva engaged na!

CEBU, Philippines - Malipayong  gipahibalo ni Luis Alandy nga  engaged na siya sa iyang non-showbiz girlfriend nga si Joselle Fernandez.  Nahitabo sa Lake Tahoe ang pag-propose niya sa  iyang uyab.

Relasyon nagtakilid?

Miulbo ang tsika nga matud pa duna’y problema karon sa relasyon nila ni  Cavite Vice Governor Jolo Revilla ug  Jodi Sta. Maria. Nasayran nga wala pud molugwa si  Jodi sa bag-ohay lang nga  30th wedding anniversary celebration sa ginikanan ni  Jolo nga sila si  Senator Bong Revilla ug  Bacoor City  Mayor-elect  Lani Mercado.

Wala’y kisaw

Giingong  masalub-on karon ang production team sa serye nila ni Kim Chiu ug Xian Lim nga The Story of Us gumikan kay matud pa wala mo-click sa masa ang maong serye.  Gikatahong mahuman na sunod buwan ang  nahisgutang programa sa ABS-CBN. 

Marvin todo negosyo

Gawas sa  mga  restaurant,  busy  usab si  Marvin Agustin sa paghupot sa iyang  concert promotions agency.  Nagtukod usab ang aktor og  culinary arts school. Gipaneguro ni Marvin ang iyang kaugmaon gumikan kay nasayod siya nga maabot ang panahon nga mahupas ang iyang karisma sa showbiz.

Magpakasal sunod tuig?

Gidungog nga sunod tuig na magpakasal sila si  Anne Curtis ug  Erwan Heussaff, .  Aduna’y mga hungihong nga nagsugod na ang duha sa  preparasyon alang sa maong okasyon.

Kris mihimakak

Hugtanong gihimakak ni  Kris Aquino ang nitumaw nga  tsismis nga matud pa nagkita sila ni Senator Sonny Trillanes didto sa Hawaii.  Una na nga gipadayag ni Kris nga nibakasyon siya sa maong dapit uban sa iyang mga anak nga sila si Josh ug Bimby.  “Kung gagawa ng script para siraan ako – mas galingan nyo naman please???,” suma pa sa Instagram post ni Kris.

Doble ang proyekto

Nagsagunson ang suwerte ni   Gardo Versoza gumikan kay gawas sa seryeng  Juan Happy Love Story nila ni  Dennis Trillo ug Heart Evangelista, gidugangan sa GMA-7 ang iyang proyekto.  Malakip ang aktor sa bag-ong sitcom sa maong network, ang A1 Ko Sa ‘Yo .

Excited  makaanak

Gibutyag nila ni  Paul Jake Castillo ug  Kaye Abad sa higayon nga makasal na silang duha,  target nila nga makahulma dayon og bata. Nagpanikad na sila nga makabaton og kaugalingong pamilya.

Bohol trip

Nibakasyon si Marjorie Barretto sa  Bohol uban sa iyang mga anak. Gibisita nila ang hugyaw nga  tourist spots  sa maong dapit.

Liza mogama og album 

Kasamtangan giluto karon sa Star Music ang umaabot nga album ni Liza Soberano. Gihimo na sa miaging adlaw ang negosasyon alang sa maong proyekto. 

Kaanyag ni Badjao Girl gikagubtan

Gikagubtan dayon sa netizens  ang hulagway ni  Rita Gabiola  nga nailhan isip  “Badjao Girl”   human kini nilugwa sa programang Rated K .

Usa ka ginganlan og James Christopher Domingo ang ni-post sa Facebook sa mga hulagway ni Rita nga produkto sa gihimo nila nga photo shoot  uban sa photographers nga sila si Wilmark K. Jolindon ug  Stephen Capuchino.

Ang photo shoot gipahigayon sa Zoomburst Photostudio ug  nilutaw og samot ang kaanyag ni Rita.

Kahinumduman nga  gipistahan sa  social media sa miaging semana  ang mga hulagway ni Rita nga nagkugos sa iyang manghod nga nanglimos sa dalan  sa Lucban, Quezon.