Kim parang extra lang sa The Voice Kids, serye nila ni Xian walang extension; Heart kinilig sa suot na gown ni Sarah; Nambigwas kay Baron biglang nakilala

SEEN: Wala nang extension ang The Story of Us, ang primetime drama series nina Xian Lim at Kim Chiu na magpapaalam sa ere sa June 17.

SCENE: Parang extra lang at hindi masyadong ramdam ang presence ni Kim Chiu sa The Voice Kids 3 ng ABS-CBN.

SEEN: Si Kiko Matos ang nakikinabang nang husto sa away nila ni Baron Geisler dahil biglang naging aware ang mga tao na may artista na Kiko Matos ang pangalan.

SCENE: Habang tumatagal, gumagaling si Barbie Forteza sa panggagaya niya kay Kris Aquino. Practice makes perfect.

SEEN: Si Shanne Glyndel Dandan ang first grand champion ng Born To Be A Star sa finale night ng talent search program ng TV5 na ginanap noong Linggo.

SCENE: Nakikitira si Mark Neumann sa bahay ng kanyang lola sa Bulacan buhat nang umalis siya sa tahanan ng manager niya. Hindi pa nagbibigay ng statement si Mark tungkol sa nalamatan na relasyon nila ng kanyang manager.

SEEN: Nagtataka ang fans ni Heart Evangelista dahil hindi kasama ang tatay niya sa Balesin resort vacation nila ng kanyang ina. Dinala ni Heart at ni Senator Chiz Escudero sa Balesin si Mrs. Ongpauco dahil kaarawan nito.

SCENE: Kinilig si Heart Evangelista dahil sa pagsusuot ni Sarah Geronimo ng hand-painted gown na collaboration nila ng kanyang kaibigan, ang fashion designer na si Mark Bumgarner.