Pilgrim, not tourist

Kun naa ka sa Sanctuary Castle of Mama Mary sa Lindogon, Sibonga, mura ka og anaa sa Roma. May muingon sab nga mura ka og anaa sa Disneyland. In other words maanyag gayud ang maong dapit sud-ongon ug maanindot ug gaan gayud ang imong bation kun anaa ka sa maong dapit. Sama siya og tourist spot, dapit diin daghan ang mag-selfie ug magsige og picture sa nagkadaiyang bahin sa castle.

Mao siguro kini ang hinungdan nganong ang uban nahikalimot nga sagrada kaayo ang maong dapit. Dili kini ordinaryo nga dapit, kundili labihan niini ka espesyal sanglit dinhi niining maong dapit gipadayag ni Mama Mary ang iyang presensya ug gipabuhagay ang iyang grasya ug dakong paghigugma kanatong iyang mga anak. This is a place of prayer and worship. This is where you are supposed to pour your heart out. Gikinahanglan ang pagrespeto sa lugar ug sa mga tawo nga  nidangop niining maong dapit.

Apan ang uban mapanamastamason ug mga garaon. Sabaan ug reklamador ug walay pagpakabana. Ngano? Naay mga inahan nga nagdala sa ilang mga anak gipasagdan ra gyud nga nagdagan dagan ang ilang mga bata didto sa museum sa second floor. Kadaghan na gihangyo sa mga gwardya nga ipatigbabaw ang kahilom apan wa gyud mukihol. Klaro baya unta kaayo ang mga pahimangno nga kinahanglan nga ipatuman gayud ang kahilom sanglit may mga tawo nga nag-ampo ug nagpakitabang nga hayan matugaw gumikan sa kasaba. Respeto ra gyud unta, bisan gamay lang.

Oh yes, I was there last Thursday. Fourth time na to nako nga pagbisita didto unya nalain lang ko light kay daghan kaayo’ng sige lang gyud og picture picture uy. Dihay usa nga nag-selfie, pa cute kaayo’g smile—wala nagpa-picture kauban ang imahe sa birhen didto. Diha say manag-uyab nga loving kaayo nagyaka didto’s museum, murag sila ra gyuy tawo. Park lang ang peg? Date? Nalain na dayon ko!

Pero ang ako gyud nga nalainan ug nakapaliki nako kay nakadungog gyud ko nga may nireklamo nga dili matud pa sama sa mall ang mga comfort rooms didto sa castle. Like hello? Issue gyud na? Unsa diay feeling ninyo kun tua mo didto, nga nanuroy mo? Nga mag-date mo? Hello at isa pang hello! Mag-sure ta! Mubisita mo didto aron mag-ampo ug ipadayag ang iyang paghigugma kang Mama Mary. Dili mo muadto didto aron magpahayahay ug mo-demand og nindot nga accommodation, nga dapat komportabli mo. Dili mo angayang magbagutbot nga labihan ka init. Kay kun mao ra nay naa sa inyong hunahuna, pagpuyo na lang mo. Or adto mo’s mall pagpundo, ayaw mo’g ngadto didto kay makawang ra inyong pag ngadto.

Because my dear okRYANians, ang pagpalambo ug paglig-on sa imong pagtuo dili hayahay. Kinahanglan nga magsakripisyo ug dili mureklamo. Faith is love. And when you love, it’s not always red-carpet treatment. Most of the time mapuno na siya og pagsuway aron pagsukod unsa kalig-on ang imong pagtuo ug unsa kadako ang imong gugma. In other words, mutaak ta og Lindogon isip pilgrims ug dili mga turista. Ug kay muadto man ka didto nga dili turista ayaw pagreklamo, ayaw pagbagutbot kabahin nianang gagmay ra kaayong mga butang. Pagsuway ra ug pagsukod sa matang sa gugma nga imong ibubo kang Mama Mary.