Respeto

Trending sa nilabay nga semana kadtong call center girl nga gibalikas ang International Eucharistic Congress (IEC),  kay matud pa kinahanglan niyang mobiya sa iyang pinuy-anan paingon sa airport lima ka oras sa dili pa ang iyang flight. Labihan gyud to niyang yawyaw. Gibalikas niya ang kagamhanan ug makapanimbawot sa balahibo ang iyang pag-atake sa relihiyosong kalihukan dinhi sa Sugbo nga tapuson sa usa ka Santos nga Misa diha sa South Road Properties (SRP) karong alas kwatro sa hapon. Giaway pa gyud to niyang lalaki nga nikomento kabahin sa iyang post.

Kasabot ko dili to siya Katoliko. Kasabot sab ko nga edukada tong bayhana kay maayo man pagkasuwat ang iyang post. Husto ang sentence construction.  Ang wala nako masabti mao nga nganong nagpakabastos siya diha sa iyang post ug sa ingon naunlod ang iyang pagka edukada. Nakasabot baya gyud ko sa iyang punto. Ang wala lang gyud nako masabti mao nga nganong kinahanglang balikason niya ang usa ka relihiyosong kalihukan. Wa ko kasabot nganong sa iyang ka edukada, wala siya kasabot sa  mga pulong pasensya ug respeto. 

Pasensya gumikan kay dili man kada adlaw o bulan o tuig nga dinhi sa Sugbo ipahigayon ang IEC. Respeto in the sense nga ang pagtuo is very personal. Normal nga dili kita magkauyon, nga magkasumpaki gyud ta kay managlahi man kita og pagtuo ingon man kaalam. Dili managsama ang atong mga baruganan. Yes, adunay demokrasya. Gawasnon kitang tanan nga mupabuhagay sa atong gibati. There is freedom of expression. But such freedom is not and will never be absolute. Wa ko kasabot nganong nakalimot siya niana nga unta tataw man nga edukada siya.

Mahimo nimong ipabuhagay ang imong gibati nga dili ka makapasakit sa uban. Mahimo nimong saulogon ang imong kagawasan nga dili magpasulabi. Ang tanan mahimo kaayo nimong buhaton nga adunay diplomasya. Mamahimo kang mureklamo in a nice way. 

Nasakitan ko gumikan kay two years ago, naa sab toy dako nga kalihukan sa usa ka relihiyon dinhi sa Sugbo nga grabeng traffic pero wa gyud ko nireklamo, wala gyud ko nagyawyaw sa akong status against them. That was because I respect other religions. Ilaha man sab nang katungod. Gani, kadali ra kaayo ang pagpahibawo ato nga adunay mahitabong rerouting scheme to give way to that activity. Whereas kining EIC dugay na kaayong gipahibawo baya.

Yes nasakitan ko isip Katoliko. Ug nasakitan sab ko isip mapasigarbuhong Sugbuanon. Apan nahitabo na ang tanan. I can only pray for that girl. May pinagdadaanan siguro. Kun balikason ka, dili man angayan nga tubagon sab nimo og balikas kay dili gyud mo magdaog. So let us pray for that girl.  Mag-ampo kita nga malampusan niya ang unsa man gani iyang problema. Mag-ampo kita nga mga pauwanan siya og daghang mga grasya ug nga malamdagan siya. Kun unsa man gani ang iyang relihiyon, may she be blessed. Pakpak!