Nidora ug Anselmo mikisaw

CEBU, Philippines - Mikisaw na og balik ang kalyeserye sa Eat Bulaga  gumikan  sa istorya na pud sa kinabuhi ni Lola Nidora o Wally Bayola.

Nahimo na nga trending sa social media sulod na sa pipila ka adlaw  kalabot sa panagtagbo nila kaniadto ni Anselmo  ug gidala kini nila ni Alden Richards ug Maine Mendoza. Samtang gipakita  ang love story  nila ni Nidora ug  Anselmo niadtong 1945, malipayon pud nga gisaulog  ang  28th weeksary nila ni  Alden ug Maine  sa Broadway Stadium kagahapon.

Gisurpresa ni Alden si Maine pinaagi sa paghatag og daghang buwak  ug nanayaw pa gyud silang duha. Suma pa ni  Lola Nidora, “Natutuwa ako kapag nakikita ko kayong dalawa. Sana may natutuhan kayo sa paglalahad ko ng kuwento.”  (Sanden J. Anadia)

JaDine nakatabang gyud

Gipasalamatan og maayo ni Vice Ganda sila si James Reid ug Nadine Lustre gumikan kay dako kaayo kini og natampo sa kalampusan sa pelikula nila ni Coco Martin nga Beauty and the Bestie. Kahinumduman nga miabot ngadto sa kapin sa 526 million pesos ang kita sa maong pelikula. 

Zanjoe sa Banana Sundae

Mobalik  matud pa si Zanjoe Marudo sa pagpakatawa pinaagi sa iyang paglugwa sa umaabot nga episode sa Banana Sundae . Suma pa sa aktor nga taud-taud na nga wala siya kabalik sa pagpangomedya. Kasamtangan pud nga gi-promote ni Zanjoe ang serye niya nga Tubig At Langis.

Nagpungasi ang proyekto

Dako ang pasalamat ni Meg Imperial sa TV5 ug Viva Entertainment gumikan kay nagdoble ang iyang proyekto karon sa maong network. Gawas sa usa ka episode sa Wattpad, nalakip pud ang aktres sa seryeng Bakit Manipis ang Ulap? nga gibidahan nila ni Claudine Barretto, Cesar Montano ug Diether Ocampo .

Jerome sa Ipaglaban Mo

Molugwa ugma sa  Ipaglaban Mo  si Jerome Ponce ug bug-at nga role maoy iyang gidala. Malipayon si Jerome gumikan kay daghan na siya og nakat-onan ug dili lang siya kutob sa pagpa-cute.

Destiny Rose extended

Puwerting lipaya ni Ken Chan gumikan kay gi-extend og unom ka semana ang serye niya nga Destiny Rose. Suma pa nga nagkalami ang istorya niini busa nakahukom ang GMA-7 nga lugwayan pa kini.

Maggie kapUyan sa showbiz

Wala’y plano si Maggie Wilson nga mobalik sa showbiz gumikan kay ang iyang pamilya maoy iyang prayoridad.  Suma pa ni Maggie nga dili lalim sa showbiz gumikan kay tagdugay gyud siya mauli ug gamay na lang ang oras nga iyang magahin alang sa iyang pamilya.

Dream role ni Pia

Gimingaw na si Miss Universe 2015 Pia Wurtzbach sa pag-arte atubangan sa kamera ug usa sa iyang pangandoy mao ang pagsuway og superhero role.  Aminado hinuon si Pia nga mataod-taoran pa kini mahitabo gumikan sa iyang ka-busy karong panahona.

Mahiligon sa singing contest

Tsika pa ni Martin Nievera nga aktibo siya kaniadto sa pagsalmot og singing contest. Usa sa iyang giapilan kaniadto mao ang contest didto sa California. Dugang pa ni Martin nga daghan gyud siya og naagian sa wala pa niya maangkon ang titulong Concert King. 

Kaugalingong paningkamot

Pag-umangkon ni  James Blanco ang TV5 young actor nga si Akihiro Blanco. Nalakip karon si Akihiro sa programang MTV Wattpad . Matud pa sa young actor nga iyang kabubut-on nga mosulod sa showbiz ug dili ang iyang uyoan maoy nag-agni kaniya nga mag-artista.

Julie Anne nakugang sa report

Gihimakak ni Julie Anne San Jose  ang report nga matud pa  nanguyab kaniya si  Jake Vargas . Nakugang ang singer pagkadungog sa maong balita ug iyang giklaro nga maghigala ra gyud sila ni Jake. 

Cristine  Ali gikasal na

Pribado ang nahitabong kasal nila ni Cristine Reyes ug Ali Khatibi niadtong Miyekules diin ang ilang tagsa-tagsa ka pamilya ug mga suod nga higala lang ang  nitambong.

Gipahigayon ang maong intimate wedding ceremony sa Balesin Island sa Quezon Province.

Giingong wala’y daghang arte si Cristine, simple lang ang iyang gisuot  ug wala siya mo-hire og make-up artist ingon man usab designer.

Una na nga gipadayag sa aktres nga simple lang ang gusto niya nga kasal  gumikan kay duna pa sila’y plano nga magpakasal puhon sa simbahan ug  ilaha gyud kini nga pangandaman og maayo,.

Mobalik na pud sunod semana si Cristine  sa trabaho  partikular na sa taping sa seryeng  Tubig at Langis sa ABS-CBN.

Netizens gikilig sa “Pia Tom

Milutaw na pud ang chemistry nila ni Miss Universe 2015 Pia Wurtzbach ug sa news reporter sa ABS-CBN nga si Atom Araullo  ug gipistahan kini sa netizens sukad pa sa miaging adlaw.

 Usa si Atom sa ni-interview kang Pia atol sa homecoming niini sa ABS-CBN niadtong Miyerkules.

Misamot ang mga pagpadungog sa dihang nag-beso beso ang duha sa wala pa sugdi ang interview.

Kahinumduman nga  gitupo ang duha sa katapusang bahin sa miaging tuig human gisungog si Atom sa iyang mga kaubanan sa Umagang Kay Ganda  nga susama sila nga single ni Pia dihang gi-interview niya ang beauty-queen pinaagi sa telepono.

Pipila sa netizens ang nitawag kanila og "Piatom" ug atol sa ilang panag-atubangay sa miaging adlaw,   gihisgotan  ni Pia ang  iyang mga adbokasiya.

Samtang sa interview ni Julius Babao sa Bandila sa miaging gabii, gihulagway sa beauty queen nga “charming” si Atom. 

Sa maong interview nangutana si Julius  kang Pia og, “ “Type mo ba si Atom Araullo?”.

Mipahiyom ang beauty queen ug nitubag dayon kini ug  “He’s very charming. Yes.”

Opening day Everything About Her naka-P15M

Naghudyaka ang  Star Cinema gumikan  sa pagpanon sa mga tawo paingon sa sinehan aron motan-aw sa pelikulang “Everything About Her" nga gibidahan nila ni Vilma Santos, Angel Locsin ug Xian Lim. 

Mikita kini og P15 million sa unang adlaw nga pagpasalida niini niadtong Miyerkules.

Ka-level na niini ang mga nangaging pelikula sa Star Cinema nga "The Breakup Playlist" ug "The Love Affair" nga puros mikita kaniadto og P15 million sa opening day.

Dako ang pasalamat ni Angel sa mga positibong feedback nga  iyang nadawat.

"Hindi ko pa rin sigurado kung tama ang ginawa ko pero kung na-appreciate po ng tao, malaking bagay po sa akin 'yun kasi pinaghirapan ko 'yun," tsika pa niya ngadto sa ABS-CBN News.

Luis mitingog sa istado nila ni Angel

Giangkon ni Luis Manzano nga duna’y problema ang relasyon nila ni Angel Locsin. Panghinaut sa TV host nga ilaha kining masulbad sa dali nga panahon. Suma pa ni Luis nga dako kaayo ang iyang gugma kang Angel busa ilaha gyud nga buhaton ang tanan aron mahilot ang wala nila pagsinabtanay. Wala gidetalye sa TV host ang rason sa pagtakilid sa ilang relasyon.

Una na nga nilutaw ang tsika  nga dili pa makasulti ang duha ka kampo kung buwag na ba sila o dili  gumikan nanghinaut sila nga ma-okay ra ang tanan. Unang miulbo ang report nga nagbuwag ang duha human sa ilang latest vacation sa Amerika.