People of the Year

CEBU, Philippines – Nalakip sila si Alden Richards ug Maine Mendoza sa gituboy nga People of the Year for 2015 sa People Asia magazine. Nalakip usab sa listahan sila si Zsa Zsa Padilla, Dra. Vicki Belo ug  John Arcilla.

Mag-negosyo sa Japan

Nagplano si  Manny Pacquiao nga mag-negosyo didto sa Japan. Gusto ni Pacman nga magpatukod og gym apan mataud-tauran pa kini gumikan  sa iyang ka-busy karong panahona.

Valeen tangtangon sa serye?

Miulbo ang report nga patyon matud pa ang  karakter ni Valeen Montenegro sa seryeng  Princess In The Palace. Magkauban sila si Ciara Sotto ug Valeen sa maong morning series sa GMA-7.  Giingong gituyo kini gumikan sa kainit karon sa isyu nga matud pa si Valeen maoy rason sa breakup nila ni Ciara ug Jojo Oconer.

Solenn nahadlok

Aduna’y mga pagduda nga nag-drama lang si Solenn Heussaff sa iyang paghimakak sa report nga matud pa gikasal na sila ni Nico Bolzico. Giingong nahadlok lang si Solenn gumikan kay duna siya’y kasamtangang endorsement nga nagmando kaniya nga kinahanglang single ang iyang imahe. Nasayran nga married ang status sa Facebook account  sa iyang hinigugma nga si Nico.

Trailer gipistahan

Nagmaya ang Regal Films gumikan kay nakaangkon dayon og kapin sa  usa ka milyon nga views  sa YouTube ang trailer sa pelikulang Love Is Blind nga gibidahan nila ni Solenn Heussaff , Kira Celis ug Derek Ramsay.

John niusbaw ang TF

Dako na matud pa ang talent fee ni John Arcilla sukad nagmalampuson ang pelikula niya nga Heneral Luna.  Okay lang ang GMA-7 niini, ug gisuklan nila ang talent fee ni John ug gipaapil dayon kini sa seryeng That’s My Amboy.

Vice napugngan ni Coco

Tsika pa ni Coco Martin nga duna’y mga higayon nga ganahan na mobiya sa showbiz ang iyang higala nga si Vice Ganda sa dihang gilat-an kini og mga negatibong isyu apan iya kining gikumbinser nga dili magpadala ug ipadayon ang iyang showbiz career.“Nung mga taon na marami nang pumupuna sa kanya, down siya, sabi ko talaga sa kanya, ‘Huwag na huwag mong bibitawan itong trono mo. Nagsimula tayo sa wala. Pero sa pagkakataong ito, nandiyan ka na. Huwag mo hahayaan na mawala lang ito sa ‘yo ng basta-basta,’” suma pa ni Coco.

Triple platinum

Nag-triple platinum ang album ni Julie Anne San Jose nga Deeper album.  Mapasalamaton ang singer sa dakong pagsalig nga gihatag sa GMA Records ngadto kaniya. Suma pa ni Julie Anne nga gihimo niya nga inspirasyon ang iyang fans.

Zanjoe makigbalik ni Bea

Suwayan ni Zanjoe Marudo nga panguyaban og balik ang iyang ex-girlfriend nga si Bea Alonzo. Kung dili kini mosaler, hingpit na gyud nga dawaton ni Zanjoe ang kamatuoran nga wala na gyud sila ni Bea.

Nora mo-produce og balik

Target ni Nora Aunor nga mo-produce og balik og mga pelikula busa gusto niya nga banhawon ang iyang NV Productions . Duna na’y proyekto ang gustong buhaton ni Nora apan nagdumili pa siya sa pag-detalye niini. 

Julia naluwas sa isyu

Kasamtangang nibalik sa Pilipinas si Julia Clarete ug sa iyang pag-abot , nibisita dayon kini sa  iyang higala  nga si Ciara Sotto.

Kahinumduman nga gawas kang Valeen Montenegro ,  usa ang pangalan ni Julia sa gidungog nga maoy rason sa breakup nila ni Ciara  ug Jojo Oconer.

Apan gumikan sa pagbisita ni Julia kang Ciara , napapas na ang maong hungihong.

Gani dako ang pasalamat ni Ciara sa pagbisita ni Julia kaniya uban sa anak niini nga si Sebastian.

Gi-post dayon ni Ciara  ang video sa pagbisita ni Julia sa ilang panimalay.

Sa miaging adlaw , ni-tweet si  Ciara og , “My dearest sista @JuliaClarette I miss youuuuuuu! Come and visit soon ok? I love you!”.

Gipakita ni Ciara kung unsa sila kasuod ni Julia pinaagi sa maong mensahe .    Nagbase na si  Julia sa Malaysia  ug daghan ang nakugang sa kalit niya nga pagbiya sa Eat Bulaga.

Anne wa makauyon?

Gisumsoman karon sa social media ang Snapchat video ni Jasmine Curtis kung diin katupad niya  si Erwan Heussaff, ang boyfriend sa ate niya nga si  Anne Curtis.

Ang maong post natangtang na sa account ni Jasmine apan duna’y pipila ka followers nga naka-screenshot niini ug nahimo kini nga viral.

Makita sila si Jasmine ug Erwan nga sikit kaayo ang ilang mga dagway busa duna’y ubang tawo ang nihatag og malisya niini.

Nagkalain-lain ang reaksyon sa netizens , ang uban nipadayag nga kiwaw kaayo ang maong hulagway samtang duna pu’y niingon nga dili kini angayan hatagan og malisya gumikan kay tataw nga igo ra naghamag ang duha.

Nasayran nga suod lang kaayo sila si Jasmine ug Erwan ug dili kini isyu kang Anne. Sa pagsuwat niining balitaa, wala pa mohatag og tubag ang nalambigit sa maong isyu.

Samtang daghan ang nagtuo nga hasta si Anne mismo nakabatyag og malisya sa maong hulagway. Kini kay may tweet kini nga salabtunon kaayo ug gituohang maoy iyang reaksyon.