Special song

CEBU, Philippines - Aduna’y gi-compose nga kanta  sila si  Tito Sotto ug  Joey de Leon ug gihalad kini alang nila ni Vic Sotto ug Pauleen Luna nga kaslon na karong January 30.  Espesyal matud pa ang maong kanta ug  duna gyu’y tarong nga mensahe ang unod niini.

Gikanselar na lang

 Dili idayon sa magtiayong  Sen. Chiz Escudero ug Heart Evangelista ang plano nila nga  renewal of wedding vows alang sa ilang  first wedding anniversary karong  Pebrero 15 . Dili gusto si Sen. Chiz nga madudahan nga namolitika niya ilabi na nga nagkaduol na ang eleksyon.

Jay pasok sa Little Nanay

Mosulod ang Starstruck avenger nga si Jay Arcilla sa seryeng Little Nanay. Nagpanikad na si Jay gumikan kay  makonsiderar kini nga dakong break alang sa iyang career.

AlexA nasagmuyo

Nasagmuyo og maayo si  Alexa Ilacad sa  pagkawala sa youth oriented show sa ABS-CBN nga  Luv U. “I have to understand all good things must come to an end. Kapag may mawawala, may kapalit naman,” suma pa ni  Alexa.

Pakaon to the max

Nakadawat og mga pagdayeg si  Karla Estrada gikan sa iyang mga higala gumikan kay dili gyud kini dalo nga pagkatawo.  Hugyaw matud pa mopakaon si Karla sa iyang mga higala gumikan kay catering gyud kini aron daghan sila dili mabitin sa pagkaon.

Pagbalik ni Donna gihangop

Gihangop pag-ayo sa publiko ang pagbalik ni   Donna Cruz sa music industry. Nasayran nga wala gyu’y negatibong isyu si Donna busa gipanglantawan nga mo-click gyud ang latest niya nga album.

Mark nagpa-sexy

Aduna’y sexy nga eksena si  Mark Bautista sa programang  Dalawang Gabi sa cable channel nga  Sari Sari.  Mahimuot si Mark kung  masuwayan ang mga eksena nga usahay ra niya buhaton.

Busy kaayo

Gi-butyag ni Matteo Guidicelli nga wala pa sila kahunahuna ni   Sarah Geronimo kung asa sila manuroy karong Valentine’s Day . Busy karon si Sarah sa pag-promote sa iyang bag-ong album.

Trabaho bisan asa

Wala maapektohi si Direk Joyce Bernal sa network war . Aktibo ang direktor sa mga serye sa GMA-7 , samtang siya usab ang kanunay nga himoong direktor sa pipila ka pelikula  sa Star Cinema nga gipanag-iya sa ABS-CBN.  Siya ang direktor karon sa pelikula nila ni Angel Locsin, Vilma Santos, ug Xian Lim nga Everything About Her.

Quality time

Tsika pa ni Robi Domingo nga bisan busy sila sa iyang uyab nga si Gretchen Ho , dili gihapon sila mapakyas sa pagbaton og “quality time”. Importante kaayo kini alang kanila aron magpabiling lig-on ang ilang relasyon.

“Bridges of Love” ipasalida sa Peru

Gikatakdang  ipasalida  didto sa  Peru sa sunod nga mga adlaw ang kanhi   primetime drama series sa ABS-CBN nga  "Bridges of Love" nga gibidahan nila ni Jericho Rosales, Maja Salvador ug Paulo Avelino. Kasamtangan kini nga gi-dub karon sa Spanish  ug nahuman na ang pinirmahay og kontrata niini tali sa ABS-CBN ug 7A Media alang sa pagpasalida niini sa maong dapit.

"Soon the emotionally-packed tail of estranged brothers competing for the love of the same woman is set to grip Peruvian television with the Spanish title "Puentes De Amor," tipik sa caption sa  promotional poster sa maong serye.

  Kahinumduman nga puwerting sikata sa maong serye  niadtong August 2015  kung diin ang finale  niini nakakuha og nationwide TV rating nga  26.9 %, base sa Kantar Media.

John Lloyd ug Angelica nagbuwag

Gikatahong   nagbuwag na sila si John Lloyd Cruz ug   Angelica Panganiban  ug nilungtad  og kapin sa  tulo ka tuig ang ilang relasyon.  Kini maoy  gibutyag ni Ogi Diaz sa   iyang radio program sa dzMM   pinaagi sa  iyang  pipila ka mga tinubdan nga higala rapud sa kanhi mag-uyab.

Ang duha nagbuwag matud pa niadtong January 16 apan gipabilin sa duha ang ilang panaghigalaay. Giklaro hinuon ni Diaz nga dili  tinuod ang report nga nitumaw nga matud pa si Bea Alonzo maoy rason sa breakup nila ni Lloydie ug Angelica.

"He told me na hindi sila ni Bea at hindi niligawan ni John Lloyd si Bea. Sabi pa raw ni John Lloyd, 'hindi naging kami. Kami ni Bea ay magkaibigan lang,” tsika pa ni Diaz nga gikutlo niya sa iyang source. Una na nga mikatap ang report kaniadto nga nagkahanap ang ilang relasyon human usahay na lang sila mag-uban gumikan sa  ka-busy sa tagsa-tagsa nila ka career. Kahinumduman nga nagkauyab sila si John Lloyd ug Angelica niadtong October 2012 ug  ilaha kining gipahibalo pinaagi sa The Buzz.

"It is something na hindi namin ine-expect. Parang bigla na lang saan galing ito, saan galing iyon? Suddenly it's magic. But seriously, iyon talaga ang nangyari," mensahe pa ni John Lloyd niadtong higayona.  

The Voice UK P:inay nakapasar sa blind audition

Nisalmot  sa The Voice UK  ang Pinay nga si Irene Alano-Rhodes kung diin sa ikatulong round sa blind audition,  giawit niya ang  “Wind Beneath My Wings”.

Ang mga coach nga sila si  Will.I.Am ug Ricky Wilson maoy nituyok sa ilang mga lingkoranan  human nahugyaw sa  tingog ni  Rhodes.

“I turned around because you have an amazing voice, you took it there, you peaked. The peak was okay and then towards the end I was like, 'Well if she continues to fight, but I don't think she's going to fight because she already pushed”, suma pa   ni Will.I.Am.

Samtang ang laing coach nga si  Ricky nisaysay nga nahimuot gyud siya sa performance ni Rhodes gumikan sa paghatag og igong emosyon sa kanta.  “That was simply wonderful and you got the sentiment of the song across. I loved it. It was one of those voices that reached over the chairs into our hearts.I guarantee you that happened not just to us, but it went down the lense to everyone’s sofas. There will have been a national standing ovation,” matud pa niya, Gipili ni Rhodes si  Will.I. Am isip iyang coach.