Nagpahipi nga minerales sa ube

CEBU, Philippines – Dili diay basta-basta ang ube gumikan kay abunda kini sa minerales busa makahatag gyud kini og kaayohan ngadto sa tawo nga mokaon niini.

Mao kini ang paborito sa mga tawo nga himoong jam ug isagol dayon sa hal-halo.

Suma pa sa  urbanview.ng,  ang ube aduna’y vitamin A, ascorbic acid (vitamin C), folic acid, boron, calcium, magnesium, phosphorus, potassium, sodium, niacin, ug uban pa.

Maayo kini nga antioxidant aron malayo ka sa mga sakit  ug usa na niini ang osteoporosis gumikan kay duna man kini calcium. 

Tulin nga pagsayaw

Uso na karon ang pagkiay-kiay sa lawas  isip usa sa matang sa ehersisyo ug usa na ninii ang pagsayaw.

Nagkalain-lain pa nga matang sa sayaw maoy gikalingawan sa mga tawo kung diin ang uban niini lakip sa presentasyon sa nagkadaiyang activities.

Apan sa  dili pa mosayaw, mag-agi gyud na og grabeng pag-praktis busa nanginahanglan gyud  nga baskog ang imong lawas aron dili dayon maluya.

Ang Sugbuanon nga choreographer nga si Cliff Yunson Racuya nibutyag dinhi sa Banat News In nga kinahanglan nga dili dayon magpatuyang og praktis o sayaw deretso. Matud pa niya nga i-kondisyon gyud daan ang lawas aron dili dali nga maluya.