Olivia na-starstruck ni Pacman

CEBU, Philippines – Na-starstruck si Miss USA o 2015 Miss Universe second runner-up Olivia Jordan sa dihang nagkaabot  sila sa boxing icon nga si  Manny Pacquiao.

Nasayran nga nahimong guest co-host si Olivia sa programang Good Day New York kung diin guest si Pacman.

Wala magpaulahi ang 27-year-old model-actress ug nakig selfie kini kang  Pacman ug gi-post dayon sa Instagram nga nagtangag sa caption nga :“Such a joy to co-host on [Good Day New York] and meet this champion!” .

Gihulagway usab ni Olivia si Manny isip, “the myth, the legend.”

Nahimong pinangga si Olivia sa mga Pinoy gumikan kay usa kini sa ni-cheer og maayo sa kadaugan ni Miss Universe 2015 Pia Wurtzbach.  

Derek ug Angelica ok na!

Nahibalik na ang komunikasyon nila ni Derek Ramsay ug Angelica Panganiban  human sa taudtaud nga panagbungol gumikan sa ilang breakup.

Mi-greet si Angelica atol sa birthday ni Derek sa miaging tuig pinaagi sa text message. Nausab  na ang number sa aktres  busa nangutana ang actor kung kinsa nga “Gel” ang  ni-text kaniya.

“It was really nice na she remembered my birthday kahit na late na ‘yung greeting. Nakakatawa nga kung paano siya nag-greet. ‘Belated happy birthday Derek –Gel.’ Sabi ko, ‘Thank you very much. Gel who?’ She said, ‘Angel.’ I replied, ‘Hahaha, Angel who?’ Sabi niya, ‘Baliw, ex mo.’ Iba na ang number niya. And then I called her, nag-usap kami and we caught up for a bit,” saysay pa ni Derek atol sa presscon alang  sa pelikula niya nga Love Is Blind.

Malipayon si Derek gumikan kay dugay na niya nga gipangandoy nga magkatingog na sila sa iyang ex-girfriend.

“We all have our own time to heal. It was nice for her to reach out and greet me for my birthday. It’s good kasi it’s something in my life na I’ve been hoping and praying for na magkaayos kami, maging magkaibigan ulit kami. Kasi six years is six years. Sobrang thankful ako na nag-text siya sa akin ng belated happy birthday,” dugang pa sa aktor.

Kahinumduman nga sa nilabay nga adlaw nabalita usab nga gi-follow ni Angelica si Derek sa instagram.

Samtang gisuportahan usab ni Derek ang unang pamahayag ni Angelica nga dili tinuod nga nagbuwag na sila ni John Lloyd Cruz..

“Hindi totoo na hiwalay na sila. Patayin na ang issue na ‘yan. Hindi totoo ‘yan,” hirit pa sa aktor.

Matud ni Derek nga gisuginlan siya ni Angelica kabahin sa ilang mga plano ni Loydie niadtong Pasko, apan nagdumili na siya pagluwat og dugang pamahayag kabahin niini gumikan kay personal na kini sa managhigugmaay.

Kahinumduman nga dungan sa pagbuto sa taho nga nagbuwag na sila si Zanjoe Marudo ug Bea Alonzo mao ang giingong pagkapukan sab sa relasyong Loydie ug Angelica.

Suma pa nga naggumikan kini kay nagkauyab na gyud sa tinuod nga kinabuhi sila si Loydie ug Bea.