Gigastohan gyud

CEBU, Philippines – Suwerte matud pa ang production team sa serye sa TV5 nga  Bakit Manipis ang Ulap? nga gipangulohan ni Direk Joel Lamangan gumikan kay matud pa wala gyud gitinihik ang budget alang sa maong serye.  Gigamitan gyud kini og hugyaw nga mga gamit.  Ang maong serye gibitoonan nila ni Diether Ocampo ug Claudine Barretto.

Kinsa ang nag-recommend?

Ang kanhi presidente diay  sa ABS-CBN nga si Charo Santos-Concio mao gyud ang nagpili nila ni Erich Gonzales  ug Daniel Matsunaga aron mahimong bida sa seryeng Be My Lady. Mapasalamaton si Erich gumikan sa positibong feedback nga iyang nadawat sukad nagsugod ang maong serye.

Wala sa plano

Giklaro  ni Claudine Barretto nga wala gyu’y labot si Derek Ramsay sa serye nila ni Diether Ocampo nga  Bakit Manipis Ang Ulap? sukad pa sa pagplano niini.  Gihimakak sa aktres ang report nga wala modayon si Derek sa maong proyekto gumikan sa iyang presensya.

Ipaagi og audtion

Gusto ni Erik Matti  nga iagi gyud og audition ang mahimong bida sa pelikulang Darna.  Matud pa sa direktor nga dinhi makita ang katag. Kahinumduman nga nagkalain-laing pangalan ang mitumaw nga matud pa maoy gipilian nga mahimong Darna. Pipila niini mao sila si Liza Soberano, Jessy Mendiola ug Nadine Lustre.

New album

Gisugdan na ni  Sarah  Geronimo ang pagtuyok sa nagkalain-laing dapit sa nasud  alang sa promosyon sa bag-o niya nga album nga  Great Unknown. Gipasalig sa singer nga malingaw gyud ang mga tawo sa unod sa maong album.

Mao gihapon ang batasan

Gibutyag ni Polo Ravales nga wala gyud nausab ang batasan ni Coco Martin ug pabilin kini nga mapaubsanon bisan pa man sa kasikat niini karong panahona. Nalakip si Polo sa serye ni Coco nga Ang Probinsyano. Suma pa ni Polo nga nakauban na niya kaniadto sa usa ka proyekto sa GMA-7.

Naapektohan sa tsismis

Nabatyagan ni Valeen Montenegro  sa set sa Bubble Gang nga wala magtingog ug luya kaayo ang lawas niini. Gihimong guest si Valeen sa maong programa ug giingong naapektohan kini og maayo sa tsismis nga matud pa siya ang rason sa breakup nila ni Jojo Oconer ug Ciara Sotto.

Bailey naka-album na

Nakabaton na og solo album  ang kanhi housemate sa  “Pinoy Big Brother 737” nga si  Bailey May . Usa kini ka  self-titled solo album nga gidumala sa  Star Music.Ang mga unod niini naglangkob sa  “Can You Be My Girl” , “Gusto Kita.”, “Boom goes My Heart” , “Now We’re Together,” the inspiring “Gotta Win,” ug  “Build Me Up, Buttercup.”

Pia nagpanikad na

Nagpanikad na si Miss Universe 2015 Pia Wurtzbach sa pag-uli niya sa Pilipinas karong January 23. Suma pa sa beauty queen nga gimingaw na siya og maayo sa mga Pinoy nga todo suporta sa pagsalmot niya sa Miss Universe.

Coleen mibiya sa Iit’s Showtime

Gikumpirmar ni Coleen Garcia ang nitumaw nga taho nga  matud pa dili na siya mobalik sa noontime show   nga   “It’s Showtime” .

Kahinumduman  nga nawala  si Coleen  sa maong programa sa tunga-tungang bahin sa miaging tuig  human siya na-busy sa iyang pelikula kaniadto nga  “Ex with Benefits” ug sa seryeng  “Pasion de Amor.”Gusto sa  ABS-CBN nga mo-focus una siya sa pag-arte .

“Actually, I was barely ever there during the entire second half of 2015.I don't think I'll be returning. Management talked to me and they want me to focus on acting," tsika pa ni Coleen ngadto sa ABS-CBN News.

Aduna’y  umaabot nga movie project si Coleen sa Star Cinema  nga pagadumalaon ni Direk Gino M. Santos. Makauban niya sa maong proyekto  sila si  Piolo Pascual ug  Dawn Zulueta.

"Iyong characters namin ay within the lifestyle today. I'm a socialite, while Piolo is a DJ. He's really going to learn how to spin. Zulueta is a fashion designer so somehow our characters will cross paths,” dugang pa niya. Samtang nagkalig-on karon ang relasyon nila ni Billy Crawford apan gitataw nila nga wala pa gyud masulod sa ilang hunahuna nga magpakasal karong tuiga.

"I know I'm ending up with Billy pero siguro huwag muna magpakasal this year. We talk about it naman eh. I know it's going to happen, just not yet," suma pa sa aktres.

Donna nakadayeg ni Janella

Nakadayeg si Donna Cruz  sa rendisyon  ni Janella Salvador sa awit nga  “Kapag Tumibok ang Puso” ug nakahinumdom gyud siya sa panahon sa iyang pagkabatan-on.

Kahinumduman nga si Donna maoy orihinal nga nagkanta niini ug dakong garbo alang kaniya nga nalakip kini sa album ni Janella.

“Naka-katuwa naman kasi napipili nila ‘yung kanta ko para i-include sa album tsaka bagay sa kanya eh, parang teenybopper,” suma pa sa singer.

Nasayran nga nibalik na si Donna sa pagkanta ug nipirma na siya og kontrata sa Star Music niadtong January 19.

Coco gipasidunggan sa PNP

Gihatagan og rekognasyon   si  Coco Martin sa  Philippine National Police   kagahapon alang  sa pag-portray  niya isip  polis sa seryeng   "Ang Probinsyano” sa ABS-CBN. Sa maong serye gipakita ni Coco ang   iyang  determinasyon sa  trabaho isip polis  alang sa pagsumpo sa kriminalidad.

Nadawat ni Coco kinsa midala isip  SPO1 Cardo Dalisay ang  certificate of appreciation atol sa  63rd Criminal Investigation and Detection Group (CIDG) founding anniversary sa  Camp Crame .