Alang sa mga anak

CEBU, Philippines – Wala na’y  plano sila si Raymart Santiago ug  Claudine Barretto  nga mo-file pa og annulment sa ilang kaminyoon. Gipadayag ni Claudine nga kontento na sila sa panaghigalaay nila ni Raymart   ug ila kining gituyo aron dili maapektohan ang ilang mga anak.

Buwag na

Gikatahong nagbuwag na sila si Diether Ocampo ug sa  iyang non-showbiz girlfriend . Ang kauban niya sa seryeng Bakit Manipis Ang Ulap nga si Claudine Barretto maoy nagboking niini.

Misamot og kahugyaw

Misamot matud pa ka hugyaw ang mga eksena  sa  seryeng  Ang Probinsyano ni Coco Martin   gumikan sa special  participation ni Gina Pareño.  Nasayran nga duna pa’y dugang banggiitang  artista ang  himoong guest sa maong serye.

Gladys nag-negosyo

Gawas sa iyang trabaho sa showbiz ug Movie and Television Review and Classification Board (MTRCB) , usa sa gikabisihan karon ni Gladys Reyes ang negosyo niya nga  whitening ug cleansing cream. Gibaligya niya kini online ug siya gyud ang nangunay sa pagputos niini.

Mopahuway sa showbiz

Temporaryong mopahuway sa showbiz ang  actress-TV host nga si Heart Evangelista aron maka-focus sa painting. "Pagdating sa showbiz, hindi mo naman alam kung hanggang kailan ka mamahalin ng tao.But with painting, as you get older, and when time comes to pass, the more precious your paintings are, you will be remembered,” tsika pa niya ngadto sa PEP.

Ara mihimakak

Gihimakak ni  Ara Mina ang report nga matud pa dili uyon ang iyang pamilya sa hinigugma ni Cristine Reyes nga si  Ali Khatibi. Kaslunon na sila si Cristine ug Ali karong January 27 ug gitataw ni Ara nga nakauyon sila sa umaabot nga bana sa iyang manghod.

Kalmado kung masuko

Tsika pa ni Direk Joyce Bernal, nga kung saputon man gani siya sa set, igo ra siya molakaw kadiyot aron moinom og kape. Kung duna siya’y tawo nga makasab-an, mangayo dayon siya og pasaylo niini. Dili siya ang klaseng direktor nga mamalikas sa set.

Nagbaha ang mga rayna

Mga beauty queen ang nag-organize sa baby shower alang sa kanhi Bb. Pilipinas-Universe Shamcey Supsup-Lee.  Pipila sa nanambong niini mao sila si Miss Earth 2015 Angelia Ong; Miss Universe 2010 4th runner-up Venus Raj; Miss Universe Philippines 2014 MJ Lastimosa; Bb. Pilipinas Supranational 2014 Yvethe Santiago; Bb. Pilipinas Tourism 2011 Isabella Manjon ug  Bb. Pilipinas International 2011 Dianne Necio.

Mikatkat sa bukid

Palahi nga  birthday celebration ang gibuhat ni  Sheena Halili niadtong January 16. Nikatkat siya sa Mt. Pulag sa Benguet uban sa iyang igsuon ug mga higala. Nasuwayan na usab sa aktres ang pagsakay sa atop sa jeep samtang padulong sila sa Ambuklao Dam.

Bitbit ang show

Nitikang  ang kanhi  "Pinoy Big Brother" housemates  nga sila si Tommy Esguerra ug  Miho Nishida sa  California. Gidala ni Tommy si Miho aron motambong sa kasal sa iyang igsuon.