Kylie nagduha-duha sa Encantadia

CEBU, Philippines - Giangkon ni Kylie Padilla nga duna’y pasiunang tanyag kaniya ang GMA-7 aron malakip sa  remake sa  Encantadia apan padayon pa niyang huna-hunaon kung dawaton ba niya kini o dili gumikan kay  dili siya komportable  sa mga costume.

Ganahan  pud siya mopahuway og pipila ka semana sa showbiz sa higayon nga mahuman na ang serye niya Buena Familia.

“Gusto ko magkaroon nang short break, pero yung Encantadia, malaking proyekto pero pag-iisipan ko muna ,” suma pa ni Kylie sa dihang nahinabi sa E-Group (Cebu Entertainment Group)  niadtong Biyernes dinhi sa Sugbo.

Kung mausab man gani ang iyang huna-huna, ganahan siya sa role nga Pirena nga unang gidala kaniadto ni Sunshine Dizon.

Pagka-karon, target ni Kylie nga mahimong independente, diin nagsugod na siya og kat-on sa pag-maneho ug makontento na siya sa gamay nga condo unit.

“Gusto ko talaga maranasan na maging normal lang, “suma pa ni Kylie.

Busy usab si Kylie sa pagsuwat og script sa pelikula nga iyang himoon ug giplantsa na lang alang sa mahimong producer niini.

“Nakaaliw magsulat, kung wala akong trabaho, gusto ko talagang magsulat. Isa siyang pelikula, kaya abangan  ninyo ,” matud pa sa aktres.

Sukad sila nagkabuwag ni Aljur Abrenica, wala gihapon maka-uyab og balik si Kylie ug giklaro niya nga kontento na siya niini.

“Wala pa namang nagpapatibok, seguro darating din ang tamang panahon para sa bagay niya,” hirit pa niya.