Anak ni Ciara at asawang nilayasan walang kamalay-malay
Kailangan sigurong magsalita ang actress na si Valeen Montenegro dahil siya ang itinuturong dahilan sa paghihiwalay ng mag-asawang Ciara Sotto at Jojo Oconer na mag-aanim na taon pa lamang bilang mag-asawa.
Nilayasan na ni Ciara kasama ang almost one-year-old son na si Vincezo Xose (Crixus) ang kanilang tahanan ng husband niya at bumalik siya sa tahanan ng kanyang mga magulang.
Tiyak na nalungkot ang mag-asawang Sen. Tito Sotto at Helen Gamboa sa nangyari sa kanilang bunsong anak lalupa’t mag-iisang taon pa lamang ngayong February 26 ang kanilang apong si Crixus.
Dennis at Jennylyn, consistent sa pangde-dedma
Kahit obvious na nagkabalikan na ang dating magkasintahang Dennis Trillo at Jennylyn Mercado noong isang taon pa, nananatili pa ring tahimik tungkol sa issue ang dalawa.
What you see is what you get na lamang ang drama ng dalawa dahil gusto nilang mapangalagaan ang privacy ng kanilang pagkakabalikan at relasyon.
Parehong health conscious sina Dennis at Jennylyn kaya madalas silang magkasama sa paggi-gym. Nagkasama rin recently ang rumored sweethearts sa Amsterdam
Si Jennylyn ay kagagaling pa lamang sa kanyang hit MMFF movie na Walang Forever na pinagtambalan nila ni Jericho Rosales. Ang nasabing pelikula ang nagbigay kina Jennylyn at Jericho ng Best Actress at Best Actor award respectively, Jennylyn’s second MMFF win in a row.
Si Dennis naman ay may bagong movie, ang Lakbay2Love na pinagtatambalan nila ni Solenn Heussaff.
Sina Dennis at Jennylyn ay parehong may tig-isang anak sa kanilang respective ex-partners na sina Carlene Aguilar at Patrick Garcia na sina Calix at Alex Jazz.
- Latest
