Ciara mibiya sa bana

CEBU, Philippines – Mitingog na si  Ciara Sotto kalabot sa report nga  nibiya na siya sa iyang bana nga si  Jojo Oconer ug nakahukom  nga mobalik na og puyo sa panimalay sa iyang mga ginikanan nga sila si Tito Sotto ug Helen Gamboa.

Giangkon ni Ciara nga dunay siya’y lisod nga sitwasyon nga gipang-agian sa milabay nga mga semana busa kinahanglan gyud siya nga mobalik na sa iyang ginikanan.

“The truth is painful, but it is what it is. I know that the Lord will strengthen me after this,” mensahe pa ni Ciara nga gi-post niya sa Instagram.

Wala’y plano  ang aktres nga isaysay ang rason  sa nakab-ot niya nga hukom ug nihangyo siya sa publiko nga respitoon ang iyang privacy.

“I prefer to keep my privacy at this time and I would appreciate the public respecting this. Thank you to those who are sending me messages of support and encouragement,” dugang pa niya.

Gikasal sila si Ciara ug Jojo  niadtong 2010 ug nakabaton sila og anak  nga ginganlan og Vincezo Xose.

Kahinumduman nga naintriga ang katawhan sa Instagram post ni Ciara sa miaging adlaw  nga nagkanayon,”Cheating isn’t always kissing, touching, or flirting.If you have to delete text messages so your partner doesn’t see them, you’re already there.”