‘Professor Snape’ mipanaw

CEBU, Philippines – Mipanaw na ang  usa sa mga banggiitang  British actor nga si Alan Rickman kinsa nailhan sa kadaghanan isip  Professor Snape sa Harry Potter series.

Matud pa sa report , namatay ang aktor sa London sa edad nga 69 gumikan sa  sakit nga cancer.

Kahinumduman nga nisikat og taman si Rickman gumikan sa hugyaw niya nga tingog sa higayon nga moarte na kini atubangan sa kamera. Nalakip usab kaniadto si Rickman sa adaptation sa  “Romeo and Juliet” niadtong  1978.

Nailhan usab siya isip  Hans Gruber sa pelikulang “Die Hard” nga gibidahan ni  John MacClane niadtong  1988. Aduna pud siya’y dakong role   sa pelikulang  “Robin Hood: Prince of Thieves” niadtong 1991.

Nalakip pud si  Rickman sa British Christmas-theme romantic comedy film nga “Love Actually” niadtong 2003.

Nagbangotan ang mga kauban niya nga artista ilabi na nga dako gyud og natampo ang aktor sa movie industry.