36th Cebu Pop

CEBU, Philippines – Ipahigayona na usab ang usa sa mga paborito nga pasundayag matag tuig sa Sinulog Festival nga mao ang Cebu Popular Music Festival. Karong tuiga ang 36th Cebu Pop gibahin sa tulo ka mga kategorya: Inspirational, Love Song ug Enviromental. Nabasa na nato ang mga lyrics sa entries alang sa Inspirational ug Love Song categories, ingon man ang unang duha sa upat ka entries alang sa Environmental category. Ania ang katapusang duha:

Composer/ Lyricist: Gerald Decem Castro

Arranger: Russel  Alegado

Interpreter: Jade Castro with ____________

Manguros Nalang Ta’ng Daan

ehhhhhh!!!!!

Batuganan sa kalanggaman, nangahawan

Mga isda nanglutaw sa tubig nga hugaw

Kinsay mupugong sa paglunop sa kapatagan

Kinsay atong sangpiton kong muabot na’ng katalagman

Refrain:

¬Oh, manguros nalang bang daan

Kay dina ni mada ug dagan

Asa kita kun guba na’ng kalibutan

Chorus:

Magpakabana kita awhagon ang katawhan

Nga panalipdan ug ampingan ang atong kalikupan

Kaugmaon sa atong kinaiyahan

Kaugmaon 'sab sa atong kabataan

Kun magpakabana kita

Unsay ikabilin ta sa atong kabataan

Kinsa ang magantos kon mawagtang na kining tanan

(repeat refrain)

Bridge:

Busa magbag-o na kita, sugdan sa matag usa

Di na nato huwaton nga maguba kini sa dayon

Manglihok  ta karon, samtang aduna pay panahon

Dina nato paabuto'ng Kinaiyahan masuko ug kita panilngon

Busa magbag-o na kita

Rap:

Di' ba mo maluoy kanamong mga bata

Nga kami mao'y magants sa gibuhat ninyong mga sala

Kabukiran ug kalasangan inyong gipang-upawan

Kadagatan ug kasapaan gihimo nga basurahan

Unsa pa kahay mapaabot namong kaugmaon

Kong inyo nang gipangdagmalan ang kalikupan ta karon

Maong pagbag-o na kamo pwede bah, palihug lang intawon.

Samtang adunay pay gamay'ng nahabilin nga panahon.

Karon maghiusa tang tanan uban sa panggamhanan

Aron makab-ot nato ang gimithing kalapusan

Kay kini gasa kanato gikan sa kahitas-an

Chorus:

Magpakaban kita awhagon ang katawhan

Nga panalipdan ug ampingan ang atong kalikupan

Kaugmaon sa atong kinaiyahan

Kaugmaon 'sab sa atong kabataan

Kun magpakabana kita.

Kinaiyahang Matahom

Composer/ Lyricist: Venice June Sy Corsino

Arranger: Ralph Joey Cabusas

Interpreter: Venice June Sy Corsino

I

Mananoy’ng huni sa mga kalanggaman

Ang musikang madunggan

Hoyohoy sa hangin ang nagapang-awit

Ug nagduyan sa mga punoan

Refrain:

Pagkatahum sud-ongon, lunhawng kalikupan

Hapsay ug malinawon ang tanan

II

Tin-awng panganod ibabaw sa bungtod

Malantaw ang kadagatan

Ang kaanyag ning kalibutan madayeg

Sa kanunay paga-ampingan

(Repeat Refrain)

Chorus:

Kuyogi ko moadto sa kabukiran

Saksihan ta ang matahom nga kinaiyahan

Bahanding dili makawat ug dili kabayran

Bililhong gasa gikan sa kahitas-an

Bridge:

Ang tanang makita sa palibot mo

Gikan kini sa Ginoo

Panggaon sa kanunay king kalikupan

Ampingan ug alimahan

(Repeat Chorus)

Coda:

Panggaon ta king kalikupan

Ang 36th Cebu Pop mahitabo karong Biyernes, January 15, sa New Cebu Coliseum.