Kusog sa takilya
CEBU, Philippines – Dul-an sa P90 million ang kita sa pelikulang Haunted House sa Regal Films. Napamatud-an sa usa sa mga bida niini nga si Janella Salvador ang kakusog sa iyang karisma ngadto sa publiko.
Mga proyekto nahanaw
Wala gidayon sa ABS-CBN si Alonzo Muhlach sa upcoming series nila ni Piolo Pascual ug Toni Gonzaga nga Written In Our Stars. Pasudlon unta si Alonzo sa Ang Probinsyano apan wala usab kini madayon. Aduna’y mga nagduda nga resulta na kini sa pagkalakip sa batang aktor sa upcoming series sa TV5 nga Ang Panday nga pagabidahan ni Richard Gutierrez.
Mingawon ni Mortel
Segurado si Janella Salvador nga mingawon gyud siya sa iyang kanhi ka-loveteam nga si Marlo Mortel. Nagkasuod sila og maayo ni Marlo gumikan kay kadaghan na sila nagkauban sa trabaho.
Maine target ni Pops
Target ni Pops Fernandez nga mahimamat sa personal si Maine Mendoza nga matud pa susama niya og hitsura. Naglaraw ang singer nga makatikang sa set sa Eat Bulaga aron makakita kang Maine.
Nakilig kang Jake
Nakilig ang kadaghanan sa short appearance ni Jake Ejercito sa kalyeserye sa Eat Bulaga. Aduna’y mga nag-ingon nga duna sila’y chemistry ni Maine Mendoza. Si Jake maoy ex-boyfriend ni Andi Eigenmann.
Joshua gidugang
Si Joshua Garcia maoy ka- love triangle nila ni Janella Salvador ug Elmo Magalona sa upcoming series sa ABS-CBN nga Born For You. Mapasalamaton si Joshua sa ABS-CBN gumikan kay nagsagunson gyud ang iyang mga proyekto karong panahona. Kahinumduman nga gidayeg og maayo ang performance ni Joshua sa Maalaala Mo Kaya niadtong Sabado.
Na-pressure
Na-pressure ang mga bida sa seryeng Wish I May nga sila si Miguel Tanfelix ug Bianca Umali gumikan kay ang timeslot sa The Half Sisters maoy ilang pulihan. Nasayran nga kusog kaayo ang The Half Sisters, gani makadaghan na nga higayon nga gi-extend kini.
JC duna’y album
Malipayong gipahibalo ni JC de Vera nga na-record na ang tanang kanta nga maoy unod sa iyang umaabot nga album. Malipayon ang aktor gumikan usa na siya karon ka singer.
- Latest
