Maine nataypan sa Disney

CEBU, Philippines – Si Maine Mendoza maoy ni- portray isip  Elsa sa  Oscar-winning movie  nga “Frozen” sa upcoming 2016 Disney Calendar nga i-release sa nagkalain-laing dapit sa Asya.  Kahinumduman nga nalakip sa Disney Calendar sa miaging tuig sila si Sarah Geronimo ug  Kim Chiu.

Trending sa social media

Nakaangkon og atensyon gikan sa Pinoy netizens ang video sa Kapamilya star nga si  Kristel Fulgar nga nikanta sa “Love Yourself” ni Justin Bieber samtang nagmaneho. Sa pagsuwat niining balitaa,  aduna na kini 513,610 views  sa YouTube ug minilyon na pud ang views niini sa Facebook.

Jen nanganak na

Nanganak na sa miaging gabii ang kanhi sakop sa Viva Hot Babe nga si Jen Rosendahl ug usa kini ka lalaki. Mao kini ang labing una nga anak nila ni Jen ug sa iyang bana nga si Jules Changco.

Wala matandog

Gipadayag ni  Angelica Yap o Pastillas Girl nga wala pa gyud mangundang ang iyang bashers sa pagpangatake kaniya. Tsika pa ni Angelica wala’y makuha ang tawong magsige og saway sa iyang isigkatawo.

That’s My Amboy

Nagpanikad na sila si  Andre Paras ug Barbie Forteza sa ilang upcoming series sa GMA-7 nga That’s My Amboy. Malipayon ang duha gumikan kay ibutang kini sa primetime.

Deboto gihapon

Gibutyag ni  Coco Martin  nga usa siya sa  minilyon nga deboto sa  Black Nazarene.  Kaniadto pa lang, kanunay na siya motikang sa Quiapo Church uban sa iyang apohan. Bisan sikat na siya karon, sekreto siya nga mosulod sa maong simbahan . (Sanden Anadia)