Dennis Padilla Kinumpirmang hindi kanya ang pang-limang anak ni Marjorie
Early bird si Dennis Padilla sa presscon kahapon ni Susan Ople kaya siya ang unang nakausap ng showbiz press.
Solid ang suporta ni Dennis kay Mama Susan dahil bukod sa kanyang mga kapatid na OFW, saksi siya sa pagtulong ni Mama Susan sa mga kababayan natin na nagtatrabaho sa ibang bansa.
Libre ang pagtulong ni Dennis sa senatorial bid ni Mama Susan na dapat maluklok sa senado dahil ang mga katulad niya ang kailangan ng bansa natin.
Hindi lang ang suporta niya kay Mama Susan ang inusisa kay Dennis ng mga reporter. Tinanong din si Dennis tungkol sa litrato ni Marjorie Barretto at ng mga anak nila na kumakalat.
Ang sey ni Dennis, na-sight niya ang picture na pinag-uusapan dahil sa isang bagets na kasama ni Marjorie at ng kanilang mga anak.
Ito ang mga sagot ni Dennis sa intriguing questions ng mga reporter.
“Oo nakakita ako ng kopya dahil nandoon ang lahat ng anak ko. Nasa States eh. Actually, oo nga parang may sobrang isa. Definitely, hindi akin ‘yon.
“Basta ang anak ko doon, ‘yung stepdaughter ko, si Daniella, si Julia, si Claudia, ‘yung bunso ko si Leon, nandoon.
“Natuwa naman ako na makita dahil kamukha ni Julia, ah nakita ko huli ‘yon, graduation pa, March 2015. Ganoon din si Claudia, saka si Leon.”
“Hindi ko alam, hindi ko alam (kung sino ang mystery bagets). Kayo na lang magtanong, mahirap sa akin manggaling.
“Magaganda ‘yung... Iba lahi ko kasi ‘yung lahi ko... ‘yung ano kasi, ‘yung blood ko kapag inihalo mo sa mestiza, nakita mo naman ‘yung resulta.”
Idinagdag ni Dennis na nagulat siya nang makita niya ang litrato ng kanyang ex-wife at ng mga anak nila.
“Nagulat...Noon may naririnig ako pero siyempre, hindi ko naman alam kung totoo. Baka mamaya, kuwento-kuwentuhan lang. Tapos noong nakita ko, ay meron nga...”
Pati Pasko at Bagong Taon mga anak isang taon nang hindi nasisilayan ni Dennis
Base sa kuwento ni Dennis, mag-iisang taon na pala mula nang makita niya ang kanyang mga anak.
Ang ibig sabihin, hindi sila nagkita-kita noong Pasko at Bagong Taon dahil nagbakasyon sa Amerika ang kanyang mga anak na sina Daniella, Julia, Claudia at Leon.
Walang kumontra sa sinabi ni Dennis na maganda ang lahi niya dahil artistahin ang mga anak nila ni Marjorie. Kitang-kita naman talaga ang mga ebidensya.
Marjorie inaabangan kung papatulan pa ang ex-husband
Intriguing ang mga sagot ni Dennis kaya waiting ang mga reporter sa reaksyon ni Marjorie sa kanyang mga statement.
Ang tanong, papatulan ba ni Marjorie ang mga sinabi ng kanyang ex-dyowa o dededmahin niya para hindi na lumaki pa ang isyu?
- Latest
