Sinulog Idol 2016 na!

CEBU, Philippines - Karong gabii na magsugod  ang  Sinulog Idol 2016 nga ipahigayon diha  sa Fuente Osmeña Circle.

Matag alas otso sa gabii magtigi ang 12 ka  finalists ug maproklamar ang champion atol unya sa grand finals karong Enero  14.

Aduna’y usa nga matangtang sa matag gabii nga kompetisyon nga nagtangag og nagkalain-lain nga genre.

Gibutyag sa  Sinulog Idol project director  Gloria Villarojo nga nikabat ngadto 80 ang  ni-audition sa maong kompetisyon ug  gihashasan nila pinaagi sa pagpili sa 12 ka finalists.

Ang mga finalist  karong tuiga motigi matag gabii alang sa  idol’s choice, upbeat, OPM, hugot  classic, Cebuano ,  rock  ug broadway  night.

Kada adlaw ang ilang rehearsal ug matag gabii human sa performances, aduna’y  mahitabo nga general evaluation nga dumalaon sa mga  hurado nga naglangkob nila ni Banat News Hugyaw editor ug dyRC program host Ryan Mark, Center for Pop-Cebu branch manager Jay Unchuan ug  Pinoy Dream Academy scholar Apple Abarquez .

Ang maong kalingwan  gidumala sa Cebu City Government, Sinulog Foundation Inc., Center for Pop Music Philippines ug Soundtraxx Productions Studio.

Natukod ang maong  kompetisyon  aron mailado og samot  ang mga Sugbuanon sa natad sa pagkanta   sa nagkadaiyang dapit sa kalibutan.

Ang 12 ka finalists sa Sinulog Idol 2016   naglangkob nila ni  May Kayla Barrientos, Genevieve Roche Flores,  Niña Riza Naputo, Mary Abigail Salimbagat, Jessie Joy Veado,  Kristoffer Kristie Bedua, Felix Baoy Jr., Denise Jeremiah Exaltacion, Michael  Anthony Lao,  Benedict Paraiso,  Jose Thaddeus Roble, ug Roy Lotfel Racaza.

Ikaduhang exhibit 

Aduna’y ikaduhang hugna sa  exhibit si Heart Evangelista karong tuiga. Kahinumduman nga sold out  ang iyang mga  koleksyon sa iyang exhibit sa miaging tuig.

Everything About Her

Gikan  sa “All Of My Life, gihulipan na ngadto sa Everything About Her ang titulo sa  pelikula nila ni  Batangas Governor Vilma Santos , Angel Locsin ug Xian Lim. Nagpanikad na ang mga bida sa mahimong resulta sa maong pelikula.

Nawili sa nasud

Permanente na ang pag-istar ni Patricia Javier ug iyang  pamilya dinhi sa Pilipinas. Mobalik lang siya sa Amerika kung duna’y special project.

Mosulod sa showbiz

Gibutyag ni  Cristine Reyes nga mosulod sa entertainment industry ang iyang hinigugma nga si Ali Khatibi.Mipirma na matud pa og kontrata si Ali sa  Viva Sports .

Original songs

 Gibutyag ni Sam Concepcion nga himoon karong tuiga ang bag-o niya nga album kung diin langkoban kini og mga original songs.  Suma pa ni Sam nga bisan na-busy siya sa pag-arte, dili gyud niya buhian  ang iyang singing career. 

Ipahigayon na usab ang usa sa mga paborito nga pasundayag matag tuig sa Sinulog Festival nga mao ang Cebu Popular Music Festival. Karong tuiga ang 36th Cebu Pop gibahin sa tulo ka mga kategoriya: Inspirational, Love Song ug Environmental. Nasinati na nato ang lyrics sa Inspirational category, busa karon ari na sab ta sa unang duha sa upat ka entries alang sa Love Song category:

SA GUGMA MAGDAUG

Composer/ Lyricist: Rad Zamora

Arranger: Romeo Mascariñas

Interpreters: Rad Zamora, Alver Sumampong

and Fred Bautista

I

Kalit ka lang milabay sa akong atubangan

Sa imo lang’ pagkidhat mura ko’g gikilatan

Namugnaw ug migahi ko, mitulo ang laway..ayayay!

II

Ako di mahimutang ug dili makatulog

Buntag,udto og hapon, ikaw pirmeng gihandum

Ning dughan ko gipangita ka, ako nahigugma

Refrain:

Ako gibiay-biay’g gibugal-bugalan

Sa’kong mga amigo og mga silingan

Daw hitsura ko pobre, dili angayan

Chorus:

O “Miss Byutipul” please lang maluoy ka

Intawn lingi-a na king kabus ko’ng tinguha

Wala man akoy usa ka dako, ni katigayonang ikagasa

Busa daugon ‘ta nalang kini pinaagi sa gugma

(instrumental)

La..la…la….doo..doo..doo..

Bridge:

Kahimtang sa kinabuhi, sa gugma di’ sumbanan

Di’ pagahukman

Kabos o adunahan, may katungod ang tanan

(repeat chorus)

Coda:

Busa daugon ta nalang kini sa gibati kong gugma

O “Miss Byutipul” intawn ako....sugta na!

ANG ATONG GUGMA

Composer: Archimedes Dairocas

Lyricist: Archiemedes Dairocas / Luis Sebastian Rusiana

Arranger: Archimedes Dairocas

Interpreters: Archie D.  and Luis Latigo Rapper

Chorus:

Ang atong gugma

Akong panalipdan sa tanang temtasyon

Aron kita sa kahangturan

Ehemplo sa kadaghanan

Sa scandal molikay jud ko dai,

Imong pangalan permi nga limpyo dai

Aron kita sa kahangturan

Ehemplo sa kadaghanan

I

Sukad atong gisugot nako nimo

Tungod sa kalipay akong dughan nilukso

Kay akoa naman gyung nakab-ot

Ang akong damgo nga dugay na nakong gipaabot

Way duda,  gibuhat nako tanan

Para ug naa kay pangayuon ikaw kay matagaan

Ug di ko replyan ikaw akong loadan

Kana gyung daghan balig usa ka buwan

Kanimo inday, mura ko ug nagnegosyo

Investment nga ako kay nakontento

Mao ng karon ikaw akong saaran

Dili ko magbinugoy ako kay magbinuotan

Respetaran tika ug dili tika buhatan

Anang mga scandal nga ikaw mauwawan

Unya ang ako ra pangayuon nimo

Sa atoang relasyon taronga lang sad ko

Repeat Chorus:

Madato o mapobre di tika biyaan

Mga problema’s kinabuhi kayahon nako tanan

Kay akong pagbati murag kandila nga di mapawng

Di tika pulihan bisag maguwang na imong naw’ng

Mao na nga mosaad ko nimo karon

Ig putis’ imong buhok di tika ilisag batan-on

Dili ka mahasol, dili ka mastress

Kay dili man gyud ko mangita ug mistress

Loyal ko nimo dili gyud ko mangabit

Tanan nakong sweldo kay akoang iremit

Wala koy secretoon wala sad gyud koy taguon

Sa atoang relasyon dili gyud tika pahilakon

Giampo gyud ni nako sa atong Ginoo

Apil pa gani ang ubang mga santo

Kay  akong gusto mahitabo puhon

Ikaw gyud inday ang akoang pangasaw-on

(Repeat chorus)