Cristine magpadayon sa showbiz

CEBU, Philippines – Gipasalig ni Cristine Reyes sa iyang fans nga magpadayon gihapon siya sa showbiz inigkahuman sa kasal nila ni  Ali Khatibi. Suma pa sa aktres nga suportado kaayo ni Ali ang iyang showbiz career. Ang duha kaslon karong January 27 sa  Balesin Island Club sa Quezon .

Hinabion sa ABS-CBN

Makigtigom ang mga kadagkoan sa ABS-CBN ngadto nila ni Alvin Campomanes ug  Rossellyn Domingo kinsa mireklamo sa direktor sa seryeng Forevermore nga si Cathy Garcia-Molina gumikan kay matud pa gibalikas sila og maayo niini atol sa taping. Gusto sa maong network nga maayo og katin-awan sa maong isyu.

Financial problem

Dako ang pasalamat ni  Aiza Seguerra sa Viva Communications Inc. ug  TV5 gumikan kay gihatagan gyud siya og trabaho isip usa sa mga hurado sa  nationwide talent search ug  singing competition nga Born To Be A Star. Suma pa ni Aiza nga duna gyud siya’y pinansyal nga problema sa miaging tuig gumikan sa kagamay sa iyang mga proyekto.

Enrique pasok sa indie film

Malakip si Enrique Gil sa  independent movie nga himoon  ni Direk Paul Soriano. Sugdan na ang shooting  sunod buwan ug ang Star Cinema maoy distributor niini.

Miho sa MMK

I-feature sa  long-running drama anthology sa ABS-CBN nga “Maalaala Mo Kaya” ang kinabuhi sa “Pinoy Big Brother 737” grand winner  nga si Miho Nishida karong Sabado. Si Andrea del Rosario maoy modala isip inahan ni Miho sa nahisgutang episode.

Victory walk

Nilugwa kagahapon si Pia Alonzo Wurtzbach sa programang  Good Morning America . Gipakita ni Pia sa maong show ang hugyaw niya nga estilo sa pagpaso nga gitawag og victory walk.

Viva mihimakak

Gihimakak sa Viva Entertainment ang report nga matud pa si KC Concepcion maoy leading lady ni Richard Guttierrez sa TV remake sa Ang Panday sa TV5.  Nasayran nga naka-kontrata si KC sa ABS-CBN.

Kevz lang

Wala nagpaapekto si Diego Loyzaga sa mga pagpangatake nga iyang nadawat gikan sa fans nila ni Kathryn Bernardo ug Daniel Padilla. Nagsugod kini gumikan sa iyang role sa seryeng Pangako Sa’ Yo  kung diin midiskarte siya kang Ina nga gidala ni Kathryn.

Regine loyal sa GMA

Natuldokan na gyud ang tsismis nga matud pa mobalhin si Regine Velasquez sa ABS-CBN aron himoong host sa usa ka singing competition.  Ni-renew ang singer sa GMA-7 niadtong Lunes ug duha ka tuig nga exclusive contract ang iyang gipirmahan niya nga kontrata.  Suma pa sa singer nga dili siya makabiya sa GMA gumikan kay dako siya og utang kabubut-on niini.