Jerome pasok sa PSY

CEBU, Philippines – Si Jerome Ponce maoy  labing bag-o nga gipuno sa cast sa seryeng  Pangako Sa ‘Yo.  Gikalipay kini og maayo sa fans ni Jerome gumikan kay makakita na gyud sila sa ilang idolo sa primetime.

Reunion

Gikalipay pag-ayo ni Nora Anunor ang pagsulod ni  Christopher de Leon sa seryeng Little Nanay. Taud-taud na nga wala mag-uban sila si Nora ug Christopher sa usa ka proyekto busa dako ang ilang pasalamat sa maong serye  gumikan kay nahimo kining instrumento aron magkahimamat sila og balik. Modala si Christopher isip ex-boyfriend nga abogado ni  Nora.

Samantha mobalik sa showbiz

Nagmalaumon si Samantha Lopez nga mahatagan siya og maayong oportuni-dad sa TV5. Nitikang karon si Samantha sa nasud aron suwayan og balik ang showbiz.

Maricel giplanohan

Aduna’y giplano ang TV5 nga  big project alang kang Maricel Soriano. Kahinumduman nga nakabaton kaniadto si Maricel og

drama anthology sa TV5 apan wala kini nagdugay.

Sapatos ang wish

Dili kaayo   bug-at ang gipangayo nga regalo ni Karla Estrada gikan sa iyang anak nga si Daniel Padilla.   Okay lang kaniya nga regalohan siya ni Daniel og sapatos .

Inahan ang peg

Nalingaw si  Heart Evangelista sa pagbakasyon nila ni Senator Chiz sa Japan. Niuban ang kaluha nga anak ni Sen. Chiz ug si Heart maoy nangunay sa pag-atiman niini.

Anak ni Bianca gibunyagan

Gibunyagan na kagahapon ang anak nila ni Bianca Gonzalez ug JC Intal.  Kahinumduman nga nanganak si Bianca niadtong October 23 ug Lucia Martine ang gipangalan sa bata.

Viber friend

Usa sa nakapalipay karon ni Kris Aquino mao ang iyang “Viber friend”. Giingong gikilig si Kris sa komunikasyon nila sa maong lalaki."It's nice to have a Viber mate... Ang babaw, ano? Happy na ako doon kasi I'm so busy eh. Kahit Viber lang, paggising ko, may selfie na siya, ang cute,"  suma pa ni Kris.

Joshua sa MMK

Si  Joshua Garcia maoy bida sa  “Maalaala Mo Kaya” episode karong Sabado, January  2. Pahilakon ni Joshua ang viewers pinaagi sa iyang role nga mapinanggaon nga anak nga buhaton ang tanan aron maluwas sa kalisod ang  iyang pamilya.

Akihiro ug Inah suwayan

Sila si Akihiro Blanco ug  Inah Estrada maoy magpares sa latest episode sa  ‘Wattpad Presents: The K-Pop Star and I’  sa TV5.  Dakong garbo alang kang Inah nga makauban si Akihiro sa maong show. 

Maria Ozawa nasagmuyo

Nasag-muyo og maayo ang kanhi  Japanese porn star nga si Maria Ozawa human niya nahibaw-an nga lima na lang ka sinehan  tibuok nasud  ang nagpasalida sa pelikula nila ni Cesar Montano nga Nilalang alang  sa Metro Manila Film Festival (MMFF).

Kahinumduman nga nanghakot og mga pasidungog ang Nilalang , kini sama sa  Best Cinematography, Best Editing, Best Visual Effects, Best Musical Score, ug Best Sound.

Ang mga kadagkoan sa maong pelikula nipadayag nga negosyo ra gyud  kanunay ang naa sa hunahuna sa pipila ka mga tag-iya sa sinehan.

Jen sa FHM karong January 2016

Si Jennylyn Mercado maoy cover girl sa FHM karong January  2016.

Ang photographer  nga si Mark Nicdao nipagawas og pipila ka  teasers sa  sexy shoot .

Mapasalamaton si Jen gumikan kay nagsagunson gyud ang iyang suwerte karong panahona.

Kahinumduman nga siya maoy napili nga best actress sa bag-ohay lang Metro Manila Film Festival 2015 alang sa pelikula niya nga Walang Forever.

Gibuksan usab ang pipila niya ka mga negosyo  ug nakalinya ang iyang mga proyekto sa GMA-7.

"Things are still the same! There’s just more pressure because everyone expects na perfect ako umarte lagi. Ay hindi eh! Sorry! Forever pa rin akong nag-aaral when it comes to my craft,” tipik sa iyang pakighinabi sa FHM. Mao kini ang ikaupat nga higayon nga nahimong cover  si Jen sa maong magazine. Niadtong January 2008 maoy unang paglugwa niya sa FHM.

Gleee’ star gisikop

Gisikop sa  Los Angeles Police Department o LAPD ang American actor/musician ug Glee star nga si Mark Salling.

Gikasohan ang aktor og  child pornography ug kasamtangang nagtingkagol  sa  Metropolitan Detention Center sa Los Angeles .

Nahitabo ang pagdakop kang Mark sa iyang  balay sa  Shadow Hills LA . Nasayran nga nakadawat og report ang kapulisan sa maong dapit  gikan sa nagpakabana nga indibidwal kalabot sa gipangbuhat sa aktor.

Dili kini maoy labing unang higayon nga nag-atubang og kaso  si Mark. Kahinumduman nga niadtong January 2013,  gipasakaan siya og kasong sexual assault sa  ex-girlfriend nga si Roxanne Gorzela .

Natuldokan hinuon ang kaso  pinaagi sa areglo niadtong  March 2015 kung diin gimandoan siya sa hurado nga  mobayad og dakong kantidad ngadto sa iyang kanhi uyab.

MMFF naka-P468M na!

Ang kita sa kinatibuk-ang entries sa  41st Metro Manila Film Fest niabot na ngadto sa  P468 million sa  box-office,  gikan sa December 25-28, 2015.

Mao kini ang gibutyag sa  MMFF executive committee pinaagi sa ilang  official Facebook ug  Twitter account.

Ang Top 4 highest-grossing films (wala’y  particular order) naglangkob sa  My Bebe Love, Beauty and the Bestie, All You Need Is Pag-ibig, ug Haunted Mansion.

Ang ubang entries naglangkob sa Buy Now, Die Later; Walang Forever; Nilalang; ug  Honor Thy Father.

Solenn ug Nicco nagpakasal na!

Nagpakasal na sila si Solenn Heussaff ug ang iyang  non-showbiz partner  nga si Nico Bolzico didto sa  Argentina niadtong Martes.

Nahibaw-an lang kini human ni-post og mga hulagway sa  ilang kasal sa nagkadaiyang social networking sites  ang  ilang mga higala.

Usa na niini mao ang higala ni Solenn nga si Isabelle Daza kinsa ni-post  og hulagway nga dunay caption nga "Mr and Mrs. Bolzico" .

Nagbaha usab ang mga  pahalipay nga nadawat ni Solenn gikan sa iyang Instagram followers.

Gawas kang Isabelle, nitambong usab sa maong seremonya sila si Georgina Wilson ug  Anne Curtis.

Nasayran nga  nagpuyo na sila si Solenn ug Nico sulod na sa duha ka tuig,