Ikaduhang pinuy-anan ni Ferna ndo

CEBU, Philippines – Pakyas man sa iyang misyon nga sakmiton ang korona sa Mister International 2015, apan nagmadaugon si Mister Puerto Rico Fernando Alvarez sa pagpangita sa iyang ikaduhang pinuy-anan nga mao ang nasud sa Pilipinas.

Sulod sa upat ka semana niyang pagpuyo dinhi sa nasud isip maoy pambato sa Puerto Rico sa maong panagtigi, nadiskubrehan sa bagitong modelo nga inanay na siyang nahigugma sa Pilipinas ug sa mga Pilipino. “The Filipinos are amazing people that I could not help my self but fell in love with them. They are definitely one of the warmest inhabitants on Earth,” padayag pa gwapong hari sa kaanyag.

Sama sa ubang foreigners, dali usab kaayong na in-love si Fernando sa kultura sa mga Pilipino. Labi niyang gidayeg ang pagkamaabi-abihon natong mga Pinoy sa sama niyang langyaw. Tungod niini, wala siya makasinati og problema, ug gani, wala niya mabati nga layo siya sa iyang pamilya tungod kay alang niya ang mga tawo nga naglibot niya susama ra’g iyang tinuod nga kapamilya.

Tungod sa iyang maayong kasinatian, gipanganti ni Fernando nga mobalik gayud siya sa Pilipinas ilabi na nga pormal na siyang nakapirma og kontrata sa Psalmstre isip New Placenta for Men ambassador ug kaabag ni Ejay Falcon, ang main endorser sa maong produkto. Siya usab maoy nakadawat sa pasidungog nga Mister New Placenta atol sa Mister International 2015 pageant nga gipahigayon sa Manila. Kasamtangang atoa sa Puerto Rico karon si Fernando aron tiwason ang iyang pagtuon sa kursong BS in Accountancy sa University of Puerto Rico. Usa usab siya ka inilang modelo sa iyang nasud bisan pa man sa wala pa siya makoronahi isip Mister Puerto Rico.  Plano sa Psalmstre nga dad-on si Fernando dinhi sa Sugbo  atol sa Sinulog kauban si Ejay Falcon ug Stephany Stefanowitz kun wala’y problema sa iyang schedule didto sa Puerto Rico. 

“Psalmstre is my second family as Philippines is my second home. I am so blessed. I am so thankful to Sir Jim Acosta for this opportunity to serve as role model to all young men as an ambassador of New Placenta for Men,” dugang pa ni Fernando.

“Alam kong may potential si Mister Puerto Rico Fernando Alvarez na magampanan ang tungkulin bilang ehemplo ng makabagong kabataan na maalaga sa pangangatawan. Dahil sa pagsusumikap, naabot niya ang kanyang mithiin sa buhay. Isang tagumpay ang mai-represent niya ang kanyang bansa sa isang international competition. Kaya minarapat ng Psalmstre na maging bahagi siya ng aming landasin na ipaabot sa mga kabataan ang kahalagahan ng grooming at skincare,” paambit pa ni Jim.