Gibali ang karakter

CEBU, Philippines – Gibutyag ni Enrique Gil nga siya na pud ang modala isip pobre, samtang si Liza Soberano maoy arang-arangan og kahimtang sa upcoming series sa ABS-CBN nga Dolce Amore.  Gibali ang ilang karakter sa serye nila kaniadto nga Forevermore.

Lloydie gipangandoy ni Enchong

Gibutyag ni Enchong Dee nga dugay na niya nga gipangandoy nga makauban si John Lloyd Cruz sa usa ka proyekto. Panghinaut niya nga mahitabo na kini sunod tuig.  Bilib si Enchong sa abilidad ni Lloydie sa pag-arte.

Gilinyahan

Baga ang  linya sa pipila ka mga sinehan didto sa Amerika nga nagsalida sa pelikulang Beauty and The Bestie nga gibidahan nila ni Coco Martin ug Vice Ganda. Malipayon si Vice sa taho gumikan kay gawas sa US, ipasalida pa kini sunod adlaw sa lain na pud nga dapit.

Tungod ni Maricel

Nagpanikad na si Mayor Herbert Bautista sa mahimong resulta sa pelikulang  Lumayo Ka Nga Sa Akin. Dako ang pasalamat si Herbert ngadto kang Maricel Soriano gumikan kay mao gyud kini ang nagpili kaniya aron malakip sa maong pelikula.

Nagbalik?

Mitikang si  Lovi Poe sa Christmas Party ug  reunion sa mga kabanay sa inahan ni Rocco Nacino sa miaging gabii. Gidungog nga nagbalik na ang duha apan ilaha lang kini nga gihilom.

Pagsukod sa abilidad

Tsika pa ni Gerald Anderson nga andam siya modawat ug lisod kaayo nga mga role sunod tuig gumikan kay dinhi masukod kung asa kutob ang iyang abilidad sa pag-arte.

Mikisaw  ang pangalan

Dili hatagan og pagtagad ni Cesar Montano ang  panglantaw sa ubang tawo  nga dako ang posibilidad nga maangkon niya ang best actor award sa Metro Manila Film Festival alang sa pelikulang Nilalang.  Una na nga gibutyag sa aktor nga igo ra niya hatagan og hustisya ang iyang role sa maong pelikula ug dili siya maghunahuna og award aron dili siya ma-pressure sa trabaho.

Nagpaabot ang trabaho

Gipahimuslan ni Darren Espanto  ang oras sa pagsaulog  sa Pasko didto sa London uban sa iyang pamilya. Nasayran nga inigbalik ni Darren dinhi sa Pilipinas, nagbaha ang iyang  proyekto.

Kris gibisita sa fan

Natandog si Kris Bernal sa usa niya ka fan nga nagbase sa laing nasud  gumikan kay temporary kini nga nibalik dinhi sa Pilipinas aron lang gyud makahimamat kaniya.  Ang maong fan nagpasalamat kang Kris gumikan kay dili kini arte.

Mopaambit sa grasya

Pipila sa mga artista ang naandan na nga mogahin og oras sa ilang isigkatawo ug mohatag og mga pinaskuhan sa  mga charitable institution  panahon sa Pasko. Kini sama nila ni Heart Evangelista, Kris Aquino, Julie Anne San Jose,  ug Judy Ann Santos.

“Honor Thy Father” gi-disqualify sa best picture category

Usa si Angelica  Panganiban sa mga nasagmuyo human gi-disqualify ang pelikulang "Honor  Thy Father"  sa tigiay sa  Best Picture category sa Metro Manila Film Festival 2015.

Ang uyab  niya nga si John Lloyd Cruz maoy bida sa maong pelikula   ug natangtang kini sa  pagtigi sa maong kategoriya gumikan kay matud pa wala mopahibalo ang production team sa maong pelikula ngadto sa MMFF committee nga nahimo diay kini nga opening film kaniadto sa Cinema One Originals Festival 2015.

"Nakakalungkot. Heartbreaking,”  mao kini ang lenggua ni Angelica  sa maong hitabo.

Suma pa sa aktres nga wala’y hustisya ang nahitabo karon sa "Honor Thy Father", hinuon giawhag  na lang niya ang mga tawo nga motan-aw gihapon sa  maong pelikula. "Nasaan ang hustisya? Ganun talaga eh. Kibit balikat at mag move on na lang. Nood kayo pag may time at kapag walang time, bigyan natin ng halaga, katulad ng ginawa ng mga bumuo ng pelikulang ito," suma pa sa aktres. Ang  Reality Entertainment, co-producer sa pelikulang Honor Thy Father nipagawas og statement ug mitataw kini nga ilaha nga nasultian ang MMFF committee kalabot sa special screening sa maong pelikula sa Cinema One.

"We complied with all the MMFF's requirements; we did not commit any non-disclosure of any kind; no MMFF rule was ever violated by 'Honor Thy Father’, suma pa sa statement sa Reality Entertainment.

Ang maong movie outfit nanawagan  og  tukmang  imbestigasyon  sa maong insidente.  "But if no one would care or bother to investigate, then we simply wish that the moviegoers, the Filipino people would start to question and be more critical of what, year in and year out, is passed off to them as good and true," dugang pa nga mensahe sa Reality Entertainment nga gipangulohan ni Ronald "Dondon" Monteverde. Kahinumduman nga ang 'Honor Thy Father’ maoy katapusang pelikula nga nakaangkon og  slot sa MMFF karong tuiga human niatras ang Hermano Puli ni Direk Gil Portes. “Let me refute this allegation of non-disclosure. If you will recall, Honor Thy Father was a late addition to the MMFF 2015 lineup. It had been rejected by their selection committee when the lineup was announced in June.On October 23 our film was officially offered a slot after an entry pulled out. By then we had already accepted Cinema One’s invitation to screen as Opening Film. We informed the MMFF Secretariat, both by email and by phone, about this,” dugang mensahe sa maong movie outfit.