Kris nag-iisang high blood na lumalantak ng lechon
Sa lahat ng may high blood pressure, si Kris Aquino lamang ang nabalitaan ko na kumakain pa ng lechon. Katunayan ito ang hiniling niyang maging peace offering sa kanya ni QC Mayor Herbert Bautista para sa tuluyan nilang pagkakasundo. Gusto kasi ni Kris na magkabati na sila ni Mayor HB bago pa magsimula ang pagpapalabas ng mga pelikula para sa MMFF 2015 na kung saan ay kasama ang All You Need Is Pag-ibig, ang movie na pagsasamahan sana nilang dalawa pero, hindi natuloy.
Let’s see kung saan dadalhin ang pelikula ni Kris sa ginawa niyang pakikipagbati kay Mayor Herbert.
Balitang maganda ang mga feedback ng pelikula na hindi lang si Kris ang bida.
My Bebe… sold out hanggang last full show
Hindi ko alam sa ibang mga palabas sa MMFF 2015 pero hindi nagawang makabili ng tiket ng mga gustong mapanood ang My Bebe Love #KiligPaMore sa SM Fairview makapananghali ng Pasko. Hanggang sa last full show ay sold out na ang mga tiket para sa nasabing pelikula na nagtatampok kina Vic Sotto, AiAi delas Alas at ng Aldub tandem nina Alden Richards at Maine Mendoza.
Baka bukas ay makakita na tayo ng trending sa mga ipinapalabas na movies.
Sabi ng isang katoto ay ang labanan daw sa box-office ay nakasentro sa pagitan ng My Pabebe Love at ang Beauty and the Bestie.
I will find out for sure tomorrow kapag nakabangon na ako sa banig ng karamdaman. (Get well soon tita. – SVA)
Jericho concede na agad
Napaka-generous at gentleman naman ni Jericho Rosales na mag-concede this early kay John Lloyd Cruz na sinasabing mahigpit niyang makakalaban for best Actor sa MMFF awards night.
Stars sila ng mga pelikulang Walang Forever at Honor Thy Father na ani Echo ay dahil “mabigat ang pelikula niya.” Katunayan ay panonoorin niya ito.
Sinabi rin niyang pinagbuti nila ni Jennylyn Mercado ang Walang Forever. And for a replacement like him, a nomination is indeed a blessing for him.
Yam tumaas ang lebel nang maging anchor ng TV Patrol
Tumaas na ang lebel ng pagiging artista ni Yam Concepcion. Isa na rin siyang anchor (substitute) ng news program ng ABS-CBN na TV Patrol and, so far, maganda ang performance niya. Hindi nagkamali ang Kapamilya na bigyan siya ng chance na maipamalas ang isa pang talento niya.
- Latest
