Na-impluwensiyahan nina Piolo at Justin Bieber Iñigo may album na rin

Hanggang ngayon ay hindi pa raw makapaniwala si Iñigo Pascual na magkakaroon na siya ng kauna-unahang teleserye sa ABS-CBN. Makakatambal ng aktor si Miles Ocampo sa And I Love You So na malapit nang mapanood sa Kapamilya network.

Tampok din sa nasabing soap opera sina Julia Barretto, Angel Aquino, at Dimples Romana. “I’m super thankful to be given the spot, to be given a role in the show. Sobrang masaya ako kasi first teleserye ko ‘to. I’m really excited for it sana magustuhan ng maraming tao,” bungad ni Inigo.

“I’ve known Miles since we were kids, I mean I’m excited kasi I never saw it coming. I never knew that one of my childhood best friends would actually be my ka-love team in the future,” dagdag pa ng aktor.

Magiging maganda ang pasok ng 2016 sa binata dahil bukod sa bagong serye ay magkakaroon na rin si Inigo ng album. “I’m starting my music. I wrote a bunch of songs. I gave out my demos already and that’s going out hopefully by first quarter of 2016. I wrote most of the songs in the album. For most songs, I guess you just have to consult like a bunch of artists like Sam Concepcion, I asked him about my originals if it was good. Kasi siyempre bago mo ibigay dapat maganda, dapat magustuhan ng mga tao,” pagbabahagi ni Iñigo.

Maraming mga singer ang naging impluwensya ng aktor upang pasukin din ang pagkanta. “Definitely my dad (Piolo Pascual), Justin Bieber, Sam Concepcion, I like R&B stuff like Jay-R, Chris Brown. Something fun and young,” pagtatapos niya.

Viva artist na Pastillas Girl, sasabak muna sa workshop

Kamakailan ay pumirma na ng 5-year contract si Angelica Jane Yap sa Viva Entertainment. Unang nakilala ang dalaga bilang si Pastillas Girl sa programang It’s Showtime ng ABS-CBN.

Pinaghahandaan na ngayon ni Angelica ang kanyang tuluyang pagpasok sa show business. “I’m going to start with workshops daw po muna. Siyempre, hindi rin naman po ako um-acting-acting sa It’s Showtime,” nakangiting pahayag ni Angelica.

Kailangan daw talagang magkaroon ng proper training ng dalaga dahil hindi naman siya nakaranas umarte sa nasabing noon time show. “Ang nangyari lang sa It’s Showtime is reality lang talaga, kung sino ako. Sa Viva, ilo-launch naman nila ‘yung what I can do naman. I dance, I act, I host, aside from being a real person,” paliwanag ni Pastillas Girl.