Celebrity nga pagpangga sa mata

CEBU, Philippines – Sa bisan asa atung adtoan gikinahanglan gyud tin-aw ang atong panan-aw. Busa atimana gyud og tarong ang imong mga mata.

Kung molakaw ka panahon sa adlawan, pag-sul-ob gyud og sunglasses  gumikan kay gawas nga dili dayon sikitan og abog ang imong mga mata, dili usab maka-direkta  og sulod ang kuyamoy sa init sa adlaw .

Ang optometrist ug ABS-CBN TV host nga si Dr. Christine Fernandez mipasabot dinhi sa Banat News, nga dili lang paigo nga normal nga sunglasses lamang ang gamiton, kundili kinahanglan mogamit og polarized sunglasses aron maseguro nga ma-protektahan ang imong mata gikan sa init sa adlaw.

Gikinahanglan usab nga duna'y saktong pahulay ang mata ilabi na kadtong mga tawo nga magsige og atubang og computer.

"Kung sige ka'g atubang og computer, kung maabtan gani og one hour, dapat  mohatag ka og break bisan 10 minutes  lang , para makapahuway og tarong ang mata," suma pa ni Dr. Christine.

Dugang pa niya nga mopalig-on usab sa imong mata ang pagkaon og yellow vegetables sama sa kalabasa gumikan kay abunda kini sa vitamin A.

Nauso na usab karon ang contact lens sa mga kabatan-onan, apan tambag ni Dr. Christine nga kinahanglan ipa-check una daan ang imong mata aron maseguro nahaom ba ang kondisyon sa contact lens sa imong mata.

" Duna'y uban nga dere-deretso dayon og order, importante kaayo nga ipa-check up daan ang mata kay basin diay dili kini makaya, basin duna'y substance sa contact lens nga maka-allergy sa ilang mata," saysay pa ni Dr. Christine.

Sa pagamit og contact lens, kinahanglan manghugas gyud sa kamot  ug limpyo ang kuko  aron dili kini mataptan og kagaw.

Gibutyag ni Dr. Christine nga ang  labing importante sa tanan mao ang  pagpa-schedule og regular check-up aron ma-update ka sa kondisyon sa imong mata ug  mapangitaan dayon kini og dinaliang paagi sa higayon nga duna kini problema.

Si Dr. Christine maoy tag-iya sa Celebrity Optical nga  nahimutang diha sa bag- o lamang gibuksan nga  SM City Seaside,  kung diin ang tanan niya nga  customers  makaangkon gyud og patas nga  pag-abi abi, bisan unsa pa ang istado niini sa katilingban.

Kasagaran mga baligya nga glasses ni Dr. Christine naggikan sa gawas ug siya mismo nangunay og pili  sa produkto didto sa supplier.