Daniel naging madali ang trabaho dahil kay Erich
MANILA, Philippines – Maagang Pamasko sa DanRich fans ang ginawang exclusive pilot week screening ng upcoming serye nina Daniel Matsunaga at Erich Gonzales na “Be My Lady” kamakailan.
Todo ang sigawan sa tuwing may kilig na eksena ang dalawa. Puno rin ng tawanan ang venue sa kwelang hatid ng iba pang karakter.
Matapos ang screening, game na game din na nagpa-picture ang dalawa sa iba’t ibang fans group nila na galing pa sa iba’t ibang lugar tulad ng Cebu at Bacolod.
Gagampanan nina Daniel at Erich ang love story nina Phil at Pinang, dalawang pusong may magkaibang lahi na mahahanap ang pag-ibig na inaasam sa isa’t isa.
Ito ang unang pagkakataong magkakatrabaho ang dalawa bilang official na magkasintahan matapos magkakilanlan sa Two Wives.
“Sobrang masaya. It’s even easier kasi kasama ko girlfriend ko. At least we get to spend time with each other and we enjoy our days taping kahit sobrang init sa location,” sabi ni Daniel.
“Mas nakikilala rin namin ang isa’t isa,” dagdag naman ni Erich.
Mapapanood ang Be My Lady simula Enero 2016 sa ABS-CBN.
- Latest
