Mohulip ni Charo gipanganlan na!
CEBU, Philippines – Pormal na nga gianunsyo sa ABS-CBN Corporation ang pangalan sa bag-o nila nga president ug chief executive officer nga opsiyal nga molingkod sugod karong January 1, 2016.
Siya si Carlo Katigbak kinsa dunay 20 ka tuig nga experience sa financial management, business operations, corporate planning, ug general management.”
Hulipan niya si Charo Santos-Concio nga moretiro na karong December 31, 2015. Nitungtong na si Charo sa edad nga 60 niadtong October 27. Si Charo maoy presidente sa ABS-CBN gikan pa niadtong 2008 .
Magpabilin hinoun si Charo isip chief content officer (COO), president sa ABS-CBN University, ug executive adviser ngadto sa ABS-CBN Chairman of the Board nga si Eugenio “Gabby” Lopez III.
Sa statement sa ABS-CBN natudlo si Katigbak gumikan sa lapad nga background niini sama paghupot niadto sa operasyon sa Sky Cable, ABS-CBN mobile ug ABS-CBN TVplus.
Natudlo siya kaniadto nga VP for Provincial Operations sa Sky Cable niadyong 1998. Siya ang managing director sa ABS-CBN Interactive, ang kanhi online ug mobile arm sa maong network.
Nigradwar si Katigbak sa Ateneo De Manila University ubos sa bachelor’s degree nga Management Engineering niadtong 1991.
Nakahuman na usab siya og Advance Management Program sa Harvard University niadtong 2009.
- Latest
