Pastillas Girl target sa TV5?

CEBU, Philippines – Miulbo ang tsika nga duna’y giandam nga proyekto ang TV5 alang kang Angelica Yap nga nailhan sa kadaghanan isip Pastillas Girl.  Misikat si Pastillas human siya gihimoan og segment kaniadto sa It’s Showtime sa ABS-CBN. Dili pa lang dugay, nipirma og kontrata si Angelica sa Viva. Ang maong outfit maoy nitabang karon sa pagpadagan sa TV5.

Duna’y makat-onan

Gipasalig ni John Lloyd Cruz nga daghan gyud og makat-onan ang mga tawong motan-aw sa pelikula niya nga Honor Thy Father.  Ang maong pelikula naghisgot og pyramid scam nga nakabiktima na og ubay-ubay nga mga Pilipino.  Pinaagi sa pagtan-aw niini, magmabinantayon na ang mga tawo ug dili basta-basta magpatunto sa maong modus.

Jodi nakugang

Nakugang si Jodi Sta. Maria sa nagkadaiyang mall show nila ni Ian Veneracion gumikan kay init kaayo ang paghangop sa mga tawo kanila. Misidlak ang ilang tandem gumikan sa seryeng Pangako Sa ‘Yo ug nalakip usab sila sa pelikulang All You Need Is Pag-Ibig.

Responsableng uyab

Gisamot og kakilig  Vic Sotto  ngadto sa iyang  girlfriend nga si Pauleen Luna  gumikan  kay mao kini ang niasikaso sa ubang preparasyon sa ilang kasal.  Busy si Vic sa  promosyon sa pelikulang My Bebe Love busa wala  siya disturboha ni Pauleen.

Rafael intresado sa Encantadia

Tsika pa ni  Rafael Rosell nga gahan siya mo -audition sa remake sa  Encantadia aron mahatagan og tsansa nga mahimong leading man sa usa sa mga babayeng  bida sa maong pantaserye.

Aron dili kiwaw

Temporaryong gipulihan si Rich Ilustre isip direktor sa latest episode sa Sunday PinasSaya aron dili kiwaw ilabi na nga guest niadtong higayona si Maine Mendoza. Kahinumduman nga nagubot ang AlDub Nation human nikomedya ang maong direktor nga duna’y relasyon sila si Alden Richards ug Julie Anne San Jose.

Bakit Manipis ang Ulap

Final na ang hukom sa TV5 ug Viva Entertainment nga pareson sila si Diether Ocampo ug Claudine Barretto sa television remake sa  Bakit Manipis Ang Ulap . Nagpanikad na ang duha sa maong proyekto gumikan kay taud-taud na sila nga wala magkakita.

Bisan unsa

Gibutyag ni Xian Lim nga dili siya materialistic busa okay lang kaniya kung bisan unsa ang Christmas gift  ni Kim Chiu kaniya.    Nasayran nga mahiligon  si Kim og sopresa busa usa kini sa paaboton ni Xian.

Motabang sa mga bata

Pormal na nga gipaila sa singer nga si Apl.De.Ap ang iyang libro nga nag-ulohan og What’s Ap?. Tipik sa kita niini iyahang idonar sa usa ka foundation nga nagtabang og kabos nga mga bata.

Carl ug Chanel uyab

Giangkon ni Carl Guevara nga duha ka buwan na sila nga uyab sa  TV5 artist nga si Chanel Morales . Usa kini sa rason nga ganado og samot si Carl sa  iyang trabaho. (Sanden J. Anadia)