Makig-uban sa pamilya

CEBU, Philippines – Gibutyag ni Daniel Matsunaga nga makig-uban sa iyang pamilya ang iyang girlfriend nga si Erich Gonzales karong Pasko.  Suma pa ni Daniel nga nia karon sa Pilipinas ang iyang mga ginikanan aron magbakasyon.

Pressure gamay

Tsika pa ni Vice Ganda  nga normal lang ang ma -pressure  sa nagkaduol na nga 2015 Metro Manila Film Festival (MMFF).  Si Vice maoy bida sa pelikulang Beauty and the Bestie uban ni Coco Martin. Gipaabot nga puros mga lig-on ang tanang entries sa MMFF karong tuiga. “Lagi naman may pressure, dapat ay pressure, kailangan i-entertain mo ang threat,” suma pa ni Vice.

Condo unit

Padayon ang pagtabang ni Ai Ai delas Alas kang Jiro Manio ug nangita na siya og condo unit alang  niini. Nasayran nga mogawas na si Jiro sa rehabilitation facility  sunod tuig.

Gidid-an?

Gidungog nga dili makalugwa ang trailer sa My Bebe Love sa ABS-CBN.  Nasayran nga nalakip sa maong pelikula sila si Alden Richards ug Maine Mendoza ug gidudahan nga mao kini ang rason. Kahinumduman nga wala usab motugot ang maong network nga makalugwa ang TV commercial nga mag-uban  ang AlDub.

Pauleen misukol

Gigathan na pud ni Pauleen Luna ang iyang basher sa social media kinsa nagbugal-bugal sa  ilang age gap sa iyang boyfriend nga si Vic Sotto. Ang maong basher nagkanayon nga kinahanglan nga gamiton ni Pauleen ang iyang utok gumikan kay tiguwang na ang lalaki nga iyang pakaslan. Apan duot sa bukog ang tubag ni Pauleen nga nagkanayon, “So what if he’ll turn 80 in a few years! Ikaw ba, iiwan mo asawa mo kapag tumanda siya?”

Christmas gift

Karon pa lang daan, aduna na’y mga higala ni Kris Aquino ang mopasiugda og block screening alang sa pelikulang All We Need Is Pag-ibig. Mao kini ang magsilbi nila nga Christmas gift alang sa TV host.

Nagkakusog

Miulbo ang report nga matud pa himoong matag-adlaw sunod tuig ang programa ni   ­Willie Revillame sa GMA 7 nga Wowowin gumikan sa mga positibong feedback nga nadawat niini.

Lip Sync Battle

Ang programang Lip Sync Battle maoy usa sa giluto karon sa GMA-7 nga sugdan sa unang bahin sunod tuig. Wala pa’y napilian ang GMA-7 sa mahimong host niini.

Nanghatag og regalo

Nanghatag og pinaskohan sila si Kathryn Bernardo ug Daniel Padilla  ngadto sa 300 ka mga  bata didto sa Quezon City niadtong Domingo. Suma pa sa duha nga bisan sa ilang ka-busy, dili gyud nila kalimtan ang paggahin og oras alang sa kabataan.

ABS-CBN banhawon ang “Sis”

Wala nay kontrata si Gelli de Belen sa TV5 human kini natapos niadtong October.

Makita siya sa TV5 matag Domingo na lang, pinaagi sa Happy Truck Ng Bayan kauban sila si Derek Ramsay, Janno Gibs ug Ogie Alcasid.

Gumikan niini, nilanog na ang istorya nga mubalhin na siya sa ABS-CBN, ilabi na nga nilugwa na siya isip hurado sa It’s Showtime niining bag-o lang.

Apan matud pa ni Gelli, freelancer lamang siya.

“Siyempre mahirap magsalita hangga’t hindi official.

“Hangga’t hindi nakakasa, mahirap magsalita… malalaman niyo naman yun pag sigurado na.

“Ika nga sa AlDub,sa tamang panahon!” ni Gelli pa, dayong katawa dihang nahinabi sa www.pep.ph.

Dihang gipangutana matud pa kun sa ABS-CBN ba siya mubalhin, walay kumpirmasyon si Gelli niini ug igo lamang nipahiyom.

Nangambot sab matud pa si Gelli dihang gipangutana sa PEP kabahin sa balita nga adunay giluto karon ang ABS-CBN nga usa ka talk show diin subling magkuyog silang tulo ni Carmina Villaroel ug Janice de Belen.

“Hindi ko alam ‘yan, wala namang offer na ganyan, wala talaga.

“It’s a different thing, pero if ever, next year pa and I will still be a freelancer.

“So, basta freelancer ako, freelancer ako.”

Kahinumduman nga sa taas nga panahon nagkuyog  silang tulo ni Carmina ug Janice isip mga hosts sa talk show nga “Sis” sa GMA7.

Dihang nibiya sila sa GMA7, bugtong si Gelli lang ang niadto sa TV5, samtang si Carmina ug Janice nitapon sa ABS-CBN.