JaDine mosuway sa Araneta
CEBU, Philippines - Mahatagan na og katumanan ang pangandoy sa fans nila ni James Reid ug Nadine Lustre nga makabaton og big concert ang ilang idolo. Mag-concert ang JaDine karong February 2016 sa Smart Araneta Coliseum.
Makalugwa bisan asa
Andam na nga motrabaho si Jonalyn Viray og laing network gumikan kay taud-taud na diay nga na-expire ang iyang kontrata sa GMA-7. Mapasalamaton si Jonalyn sa GMA-7 gumikan kay mao kini ang instrument sa pagkab-ot sa iyang pangandoy. Kahinumduman nga produkto si Jonalyn sa Pinoy Pop Superstar niadtong 2005.
Oras sa pamilya
Sa Amerika saulogon ni Gerald Anderson ang Pasko gumikan kay gusto niya nga makauban ang iyang tibuok pamilya. Suma pa sa aktor nga busy siya karong tuiga sa showbiz apan dili gyud niya kalimtan ang paghatag og oras sa iyang pamilya sa espesyal nga okasyon sama sa Pasko.
Giplantsa na
Si Ogie Alcasid maoy target sa mga kadagkoan sa TV5 ug Viva Entertainment aron himoong host sa Born To Be A Star nga magsugod sa sayong bahin sunod tuig. Pipila sa mga nanggawas nga pangalan nga posibleng himoon og hurado sa maong programa mao sila si Rico Blanco, Mark Bautista ug Aiza Seguerra.
Elyson nanguyab ni Ayra
Giangkon ni Elyson de Dios nga nidiskarte siya sa co-finalist niya sa StarStruck nga si Ayra Mariano . Magsige sila og kuyog busa wala malikayi nga ma-develop sila sa usag-usa.
Giharos sa AlDub
Nagpungasi sa kalipay ang mga fans nila ni Maine Mendoza kagahapon gumikan kay nilugwa ang ilang idolo sa pipila ka mga programa sa GMA-7. Gawas sa Sunday Pinasaya, naa usab sila sa comedy show nga Vampire Ang Daddy Ko. Aduna pud sila’y exclusive interview sa Kapuso Mo, Jessica Soho. Nilugwa usab sila sa programa sa GMA News TV nga “ Reel Time “.
Utang kabubut-on
Gitambongan gyud nila ni Dingdong Dantes ug Marian Rivera ang party alang sa ilang fans sa miaging adlaw. Suma pa sa magtiayon nga dili gyud nila kalimtan ang ilang fans gumikan kay mao kini ang rason sa kalampusan nga ilang naangkon sa showbiz.
Mark sa Tasya Fantasya
Ang TV remake sa Tasya Fantasya maoy sunod nga proyekto ni Mark Neumann sa TV5 nga sugdan karong 2016. Kahinumduman nga sila si Kris Aquino ug Alvin Patrimonio maoy mga bida sa Tasya Fantasya nga sikat kaayo nga pelikula niadtong 1990’s.
Direk Jun nakadaug
Si Jun Lana maoy napili nga Best Director sa bag-ohay lang nga 20th International Film Festival of Kerala didto sa India. Nakadaog ang direktor gumikan sa pelikula niya nga Anino Sa Likod ng Buwan nga gibitounan nila ni LJ Reyes, Luis Alandy, ug Anthony Falcon.
Panaghigalaay magpabilin
Nagpasalamat si Robin Padilla nila ni Mar Roxas ug Korina Sanchez gumikan kay gipadalhan siya og Christmas gift sa magtiayon. Supporter si Robin ni Mayor Rodrigo Duterte kinsa kaatbang ni Mar sa pagdagan pagka-presidente. Dili amungon ni Robin ang ilang panaghigalaay bisan pa man nga lahin-lahi sila og baruganan sa politika. (Sanden J. Anadia)
Maja wala motagam
Nakalinya na ang pipila ka konsyerto ni Maja Salvador sunod tuig ug giklaro niini nga wala siya motagam sa pagtungtong sa entablado bisan pa man nga gilangaw o flop ang iyang konsyerto kaniadto sa Mall of Asia Arena.
Aduna’y pre-Valentine concert si Maja sa Cache Creek Casino Resort sa Brooks, California karong February 12 ug 13.
Makauban niya sa maong concert sila si Paulo Avelino ug JC de Vera.
Una na nga gipadayag ni Maja nga dili siya manumbaling sa istorya sa mga tawo nga matud pa dili siya angayan mahimong singer ug ang importante alang kaniya, nga malingaw ang mga tawo sa pagkanta niya sa entablado.
Maine nag-sorry kang Julie Anne
Gigakos ni Maine Mendoza si Julie Anne San Jose ug nahitabo kini sa dressing room sa Sunday Pinasaya kagahapon.
Mainstay si Julie Anne sa maong programa, samtang special guest si Maine kagahapon.
Suma pa sa report nga si Maine mismo ang niduol kang Julie Anne ug nangayo kini og sorry gumikan sa pagpangatake nga nadawat niini gikan sa AlDub fans.
Nakakita sa maong hitabo ang usa sa mga host sa Sunday Pinasaya nga si Gladys Guevarra ug wala lang siya mokuha og hulagway isip pagrespeto sa duha. Kahinumduman nga na-bash si Julie Anne sa AlDub fans gumikan sa wala pagkasinabtanay nga nag-ugat sa Twitter.
Kahinumduman nga niisa ang kilay ang fans nila ni Maine ug Alden Richards sa dihang ni-komedya ang direktor sa Sunday Pinasaya nga si Rich Ilustre nga uyab sila si Alden ug Julie Anne. Una na nga nangayo og sorry ang direktor sa maong hitabo gumikan kay giduka siya sa oras nga nitubag siya og “yup” sa dihang duna’y nangutana kaniya nga follower nga duna ba’y relasyon sila si Alden ug Julie Anne.
Hahahasula
Performed by Kurt Fick
Back-up vocals by Paola Sandiego
Composed by Jude Gitamondoc and Rowell Ucat
(Medyo Maldito)
May’pa sa akong mga damgo,
aduna pa’y ikaw ug ako
Ohh kon mao man gani,
maypa’g matog ko’g balik
Pukawa ra ko’g buwag na mo
Kuyog-kuyog pa ko ninyo’ng duha,
Sungog-sungugon ka
Pa as if nga gikilig apan diay nagsakit
Di’ ta uyab, wala’y ikaw ug ako,
Apan kon magselos ko,
ayaw pagbuot, Sige na lang ta ani’g
Ha Ha Ha katawa
Ha Ha Ha hasula ‘ning kahimtanga
Selos nga lisod g’yud kapugngan
Labaw na’g siya ang imong kauban
Ngano ma’ng mahadlok ko’ng ma wa’ ka
nga wa man g’yud tika ma ako-a
Mao’ng sorry na, Wa ko g’yud damha,
akong dakong sala
Na-fall ko nimo do, promise,
di’ na g’yud ma-otro
Kay di’ ta uyab, wala’y ikaw ug ako,
apan kon magselos ko,
ayaw pagbuot, Sige na lang ta ani’g
Ha Ha Ha katawa
Ha Ha Ha hasula
Unsaon ta man? wala na ko’y mahimo,
Pirme’ng pahisgot na
lang ba ‘ko ani kutob?
Sige na lang ta ani’g
Ha Ha Ha katawa
Ha Ha Ha hasula
Awa lang (awa lang) magkadayon ra ‘nya ta puhon,
Purya buyag intawon
Ayaw nalang ug angal kay FLAMES ang
nag-ingon
Mao na’ng sa pagkakaron
Ha Ha Ha katawa
Ha Ha Ha hasula
Kay di’ ta uyab, Wala’y ikaw ug ako,
Apan kon magselos ko,
ayaw pagbuot, Sige na lang ta ani’g
Ha Ha Ha katawa
Ha Ha Ha hasula
Unsaon ta man? Wala na ko’y mahimo,
Pirme’ng pahisgot na
lang ba ‘ko ani kutob?
Sige na lang ta ani’g
Ha Ha Ha katawa
Ha Ha Ha hasula
Ha Ha Ha katawa
Ha Ha Ha Ha Ha Ha hasula
- Latest
