Robin gagawa ng family oriented serye sa Dos

MANILA, Philippines – Sinorpresa ni Robin Padilla ang madlang pipol at nagbigay ng ilang tips sa panliligaw kay Tommy Esguerra sa It’s Showtime noong Miyerkules (Dec 9). Ibinahagi niya ang kanyang styles sa pakikipag-usap at panunuyo sa mga babae na agad din namang sinubukan ni Tommy sa kanyang nililigawang si Miho Nishida. Bukod sa madlang people, sinorpresa din ni Robin ang kanyang asawang si Mariel Rodriguez na kasalukuyang guest co-host ng noontime show.

Balik-Kapamilya na si Robin sa kanyang pagpirma ng two-year contract kamakailan sa ABS-CBN at nakatakdang gumawa ng isang family-oriented  series. Huwag palampasin ang masasayang kaganapan sa It’s Showtime, Lunes hanggang Sabado ng tanghali sa ABS-CBN.

Because of You, patok

Nabihag agad ng pinakabagong primetime series ng GMA Network, ang Because of You, ang puso ng manonood. Mainit na tinangkilik ang pagsisimula ng programang puno ng kilig at good vibes, maging ang love triangle nina Carla Abellana, Rafael Rosell at Gabby Concepcion.

Umarangkada sa TV ratings nationwide ang serye. Ayon sa datos ng Nielsen TV Audience Measurement kagabi, Disyembre 8, nakakuha ang Because of You ng 19.2% household rating sa NUTAM .

Bukod sa pamamayagpag sa TV ratings, bumuhos din ang papuri at positibong komento ng Kapuso viewers sa social networking sites para sa serye.

Kaya naman lubos ang pasasalamat ng tatlong bida sa suporta at pagtangkilik ng manonood sa kanilang programa.

“Maraming salamat sa lahat ng nanonood ng Because of You! Masaya po kaming napapasaya namin kayo, kaya asahan niyong patuloy kaming magbibigay ng good vibes sa inyo bawat gabi!” ani ni Carla na klik na klik sa manonood ang pagpapatawa sa serye.

Ikinatuwa rin ni Rafael ang pagiging No. 1 ng Because of You sa timeslot nito. “Maraming, maraming salamat sa lahat ng suporta at pagmamahal na ibinuhos ninyo sa aming show. We are all happy that you all enjoyed the episodes. Kaya naman mas pagbubutihin pa namin ang aming trabaho para sa lahat ng masugid na tagasubaybay ng Because of You.”

Malaki rin ang pasa­salamat ni Gabby sa pagtitiwala ng mga manonood sa kanyang kauna-unahang programa sa GMA 7, “I have everyone to thank for and salamat sa support and blessings. Para sa inyo naman ang lahat ng ginagawa namin. Kaya naman, aba­ngan ninyo ang mga susunod na episodes ng Because of You.”

Mapapanood ang Because of You Lunes hanggang Biyernes pagkatapos ng Little Nanay sa GMA Telebabad.