Kaslon sa Balesin

CEBU, Philippines – Gibutyag ni Cristine Reyes nga dili madayon ang kasal nila ni Ali Kathibi karong buwana ug giuswag na kini ngadto sa Enero gumikan kay duna pa’y daghang buhatunon sa preparasyon. Ipahigayon kini sa Balesin Island pinaagi sa usa ka intimate ceremony, diin ang ilang pamilya ug soud lang nga mga higala ang imbitado.  “Na-stress ako sa planning kasabay ng teleserye, yung construction ng bahay. Kapag nagwe-wedding plan pala, ang daming kailangan puntahan. Ang daming kailangan mag-decide kami together,” suma pa ni Cristine.

Liwat sa apohan

Hinay-hinay na nga nisulod sa showbiz ang mga apo ni ni ABS-CBN President Charo Santos-Concio  nga sila si Julia ug Talia Concio . Nalakip ang duha sa All You Need Is Pag-Ibig nga pambato sa  Star Cinema sa 2015 Metro Manila Film Festival.

Sid miangkon na

Giangkon ni Sid Lucero nga lima na ka buwan ang relasyon nila sa  aktres nga si Annicka Dolonius. Giangkon ni Sid nga kiwawan siya mohisgot niini, ug gipadayag  nga naa kang Annicka ang mga maayong kalidad nga gipangita niya sa usa ka babaye.

Mosulod sa showbiz?

Gidungog nga hatagan og proyekto sa GMA-7 si James Younghusband. Nasigpatan si James sa GMA Network building kagahapon uban sa iyang manager. 

Monica ug Martin sa Wattpad

Sila si Monica Cuenco ug Martin Escudero maoy nagpares sa Wattpad Presents: Iska Ispiritista. 

Mapasalamaton ang “Bituing Walang Ningning The Musical” star  nga si Monica Cuencosa TV5 gumikan kay mao kini ang labing una niya nga TV project.

Dee Brothers

Malakip ang magsupng  Enchong ug AJ Dee sa pelikulang “Turo Turo” . Malipayon si AJ gumikan kay naabot na  gyud ang panahon ang nagkauban sila sa iyang igsoun sa usa ka proyekto. Entry kini sa  Metro Manila Film Festival New Wave selection.

Nahilom dayon

Pipila ka netizens mibilib sa ABS-CBN gumikan sa dali nga pagpahilom sa isyu nga nag-link nila ni James Reid ug Julia Barretto.  Dili na gusto si James nga mohisgot sa maong butang.

Suwerting tuig

Suwerte kaayo alang kang Boobay ang tuig 2015 gumikan kay nagbaha ang iyang trabaho. Kasamtangang makita si Boobay sa  Ismol Family, Celebrity Bluff ug  Marimar sa GMA-7.

Audition gisugdan na

Gisugdan na sa GMA-7 ang pagpa-audtion sa mga artista aron malakip sa pagbalik sa  "Encantadia"  sa telebisyon. Si Mark Reyes ang direktor niini  ug naghinam-hinam na kini kung kinsa nga mga artista ang makauban niya sa maong proyekto. Kahinumduman nga puwerting sikata niadtong 2005 ang Encantadia nga  naghisgot sa istorya sa upat ka nga magsuon nga sila si  Pirena (Sunshine Dizon), Amihan (Iza Calzado), Alena (Karylle), ug  Danaya (Diana Zubiri). Sila  maoy naghupot sa gahom sa kayo, tubig,  hangin ug  yuta.