Pia inaabangan kung masusungkit din ang korona sa Miss U
Pagkatapos ng panalo ni Angelia Ong sa 2015 Miss Earth last Saturday sa Vienna, Austria, inaabangan naman ng mga Pinoy all over the world kung may chance ang kinatawan ng Pilipinas na si Pia Alonzo Wurtzbach sa Miss Universe na gaganapin sa Planet Hollywood Resort and Casino sa Las Vegas, Nevada sa darating na December 20.?
Mara pumiyok sa totoong relasyon nila ni Sid
Personal na pinabulaanan ni Mara Lopez, ang indie actress na anak ng dating beauty queen-actress na si Maria Isabel Lopez na sila na ngayon ng actor na si Sid Lucero tulad ng mga napapabalita. Ang totoo umano ay ang isa pang indie actress na si Annicka Dolonius ang madalas na naka-date ngayon ng actor.
Aminado si Mara na close siya kay Sid pero magkaibigan lamang daw talaga sila at parang brother-sister umano ang kanilang relasyon at walang romantic involvement sa isa’t isa.
Si Annicka ay nakatrabaho ni Sid sa Apocalypse Child na naging kalahok sa 2015 Quezon City International Film Festival (QCPIFF).
Kapamilya ayaw pakinabangan ang AlDub
Gaano kaya katotoo ang balita na pinagbawalan ng ABS-CBN ang producer ng Star Awards for Television, ang Airtime Marketing ni Tessie Celestino na mag-air ng mga TV commercial na magkasama sina Alden Richards at Maine “Yaya Dub” Mendoza considering na blocktimer o binili niya ang airtime na pinagpalabasan ng awards night?
Puwede umano silang tumanggap at mag-air ng TVC nina Alden at Maine pero hindi puwede ‘yung magkasama ang dalawa.
Sa rami ng TV commercials nina Alden at Maine, malaking pera ang nawala sa kanya at first time umano ito nangyari sa tinagal-tagal na niyang nagpu-produce ng iba’t ibang award-giving bodies at block timer ng ABS-CBN.
Speaking of AlDub, muli na namang makakatanggap ng espesyal na parangal ang dalawa mula sa Lovelife! Health and Wellness International Film Festival na gaganapin sa QCX Intergrated Museum in Quezon City on December 12 & 13, 2015 dahil sa pagiging maganda nilang ehemplo at impluwensiya sa mga kabataan.
- Latest
