Cristine na-stress sa paghahanda, kasal naudlot!

Sa January na pala ang kasal ni Cristine Reyes sa fiancé niyang si Ali Khatibi na isang MMA expert. Dapat pala ay this month na ang nasabing kasalan pero na-stress daw si Cristine sa preparations kaya sa next year na nila itutuloy.

Sa Balesin sila ikakasal dahil beach wedding daw talaga ang gusto nila ayon kay Cristine nang mag-guest ito sa Kris TV kahapon.

Naka-slippers at dress lang daw sana siya sa kasalan dahil ang original plan pala nila ay backyard wedding pero hindi raw natapos ang bahay na ipinagagawa nila tapos ay nakasabay pa ang taping niya para sa comeback serye niya sa ABS-CBN.

Last September lang na-engaged ang ikakasal na may isang anak na.

Jasmine at Rhian super tili kay Nadal

Marami na ring Pinoy ang nahihilig sa tennis. Sa ginanap na IPTL (International Premier Tennis League) na nagsimula last Sunday hanggang kahapon sa MOA Arena, dinagsa ng marami. Pero siyempre hindi pa rin napuno ang MOA kahit na nga naglaro ang World No.1 tennis player na si Serena Williams at ang former no. 1 world and now no. 5 male player na si Rafael Nadal.

Bukod sa kanila, naglaro rin ang iba pang tennis superstars na sina Tomas Berdych, Milos Raonic, Ana Ivanovic, Marat Safin at iba pa.

Sa ibang international competition bawal ang maingay pag mainit ang balikan ng bola (rally) dahil nadi-distract ang players, pero sa atin ba uubra ‘yun. Nope, siyempre sobrang na-excite ang maraming Pinoy lalo na kay Rafael Nadal na kahit nasa kainitan ng game ay maraming nagtitilian ng ‘I love you Nadal/Rafa!’ kahit mga lalaki ha.

Pero mabait si Nadal, panay ang smile niya sa audience. Eh siya naman kasi ang tsini-cheer ng mga taong dumagsa sa Arena noong Lunes ng hapon. Nasa Indian Aces team si Nadal.

Habang si Serena ang nasa Philippine Mavericks team kaya todo rin ang cheer ng mga Pinoy sa World No. 1 na pang second year nang naglalaro sa bansa para sa IPTL.

Kasama sa mga tumili kay Nadal ang ilang artista na tulad nina Jasmine Curtis at Rhian Ramos. Ang hindi ko nakita this year sa IPTL ay si Iza Calzado na naglalaro rin ng tennis at present last year.