Jasmine ipares ni Richard

CEBU, Philippines – Usa si Jasmine Curtis Smith sa makapares ni Richard Gutierrez sa  upcoming series sa TV5 nga Panday. Nagmalaumon ang TV5 nga hangupon sa publiko ang tandem nila ni Richard ug Jasmine.

Sikat gyud si  Christian

Kasamtangang nahimutang sa No.44 sa UK Music Chart ang kanta ni Christian Bautista nga Who Is She To Me.  Nagmalaumon ang kampo sa singer nga molawig pa kini og maayo sa umaabot nga mga adlaw.

Janella nauyonan ni Sharon

Aprobado ni Sharon Cuneta ang pag-revive ni Janella Salvador sa awit niya nga Dear Heart. Malakip kini sa album ni Janella sa Star Music.

Bailey ug Ylona sa OTWOL

Ang kanhi housemates sa Pinoy Big Brother 737 nga sila si Bailey May ug Ylona Garcia maoy bag-ong gidugang sa seryeng On The Wings of Love.  Giingong eksperimento kini aron masuta kung duna ba’y kusog nga karisma sila si Bailey ug Ylona ngadto sa masa.

Kim giidolo ni Aiko

Gibutyag ni Aiko Melendez nga matuman na gyud ang iyang pangandoy nga makauban ang iyang idolo nga si Kim Chiu sa usa ka proyekto.

Malakip ang aktres sa upcoming series sa ABS-CBN nga The Story of Us ug pagabidahan kini nila ni Kim ug Xian Lim.”I’m a fan of Kim Chiu so it’s a dream come true to work with her. I’m really excited about this project. I’m the step mom of Kim Chiu and ’yun magsta-start ‘yung story namin sa isang island,” suma pa ni Aiko nga push.ph.

Heneral Luna sa Golden Globes

Ang pelikulang  Heneral Luna maoy usa sa  71 entries nga gisumiter aron  malakip sa  Best Foreign Language Film category sa  73rd Golden Globes.  Mag-present ang nahisgutang entries gikan sa 46 ka mga nasud.  Ang Golden Globes gidumala sa The Hollywood Foreign Press Association.

Arnel todo compose

Gibutyag ni Arnel Pineda nga nagbaha ang iyang original compositions karong 2016. Gipangandaman gyud niya ang iyang mga kanta ug panghinaut sa singer nga maka-perform siya og balik dinhi sa Pilipinas.

Nakasabot  ra sa uyab

Okay lang kang Shaira Mae sa higayon nga mobalibad si Edgar Allan Guzman sa paghisgot sa ilang relasyon kung duna kini mga interview. Nakasabot ra si Shaira niini gumikan kay nasayod siya nga gibuhat lang kini ni Edgar aron mahimong pribado ang ilang relasyon.

Sweet message

Mipadangat si Kean Cipriano og birthday greetings sa iyang uyab nga si  Chynna Ortaleza pinaagi sa usa ka poem. Nagpasalamat si Kean sa aktres gumikan kay mao kini ang naghatag kaniya og inspirasyon sa matag adlaw niya nga trabaho.”I’m the happiest person alive. Being with your best friend in the whole world is parang wala na ibang magandang pakiramdam to spend time with the person you can be silent with, be loud with... everything!” suma pa ni Kean sa nangagi niya nga interview.

Trailer gipistahan sa FB

Gi-release sa Quantum Films ang trailer sa  Walang Forever nga entry sa  Metro Manila Film Festival (MMFF) 2015 . Sila si  Jennylyn Mercado ug  Jericho Rosales maoy mga bida niini. Aduna na kini  kapin sa   2 million Facebook views  human sa tulo ka adlaw nga pag-post sa trailer niini.

Chariz posibleng mag-pasko sa hospital

Gibutyag sa komedyanteng aktres Chariz Solomon nga pipila na lang ka adlaw, iyaha na nga ihimugso ang ikaduha niya nga anak.

Suma pa ni Chariz nga iyaha na nga giandam ang iyang kaugalingon sa posibilidad nga mag-Pasko siya sa tambalanan.

Base sa iyang pagbana-bana posibleng matunong sa December 25 ang iyang pagpanganak.

“Naku, eh malamang na sa ospital ako kasi more or less mga, on or before Christmas ako manganganak. Pero ang hinanda ko, bumili ako ng mga simpleng Christmas décor, tapos ide-decorate ko ‘yung hospital room namin [giggles]. Kung sakali kasi mga ganyan ako, feeling ko mga 20 plus ako manganganak. So, more or less talaga sa hospital kami, dun kami mag-ce-celebrate,” saysay pa ni Chariz ngadto sa GMA News.

Matud pa niya nga andam na siya sa  iyang gamaon nga desinyo sulod sa iyang hospital room aron dili mika ang iyang palibot.

“Tapos bumili ako ng mga Santa hats, kasi nung sa panganay ko mayrun akong parang birthday banner, Happy Birthday Apollo. Tapos may mga party hats din, so eto naman since Christmas season baby siya, ang hinanda ko Santa hats,” dugang pa niya.

Kilig Kanta, K asadya!

Napuno sa  kalingawan  ug papremyo ang nagmalampuson “Handog Pasalamat” concert  sa Sugbuanon nga singer nga si  Stephanie niadtong Domingo sa gabii, sa Waterfront Hotel-Lahug, Garden Lagoon.

Tumong sa maong show mao ang pagpadangat sa personal nga pagpasalamat ni Stephanie sa tanang nisuporta sa iyang self-titled album.

Nidalit sa ilang makalingaw nga song numbers ang grupong  Power Trio nga gilangkoban gihapon ni Stephanie uban nila ni  May Ann Mananquil, ug Masumay Booc.

Napuno sa katawa ang mga tawo sa dihang nitungtong sa entablado ang  grupong The Closet Dolls gumikan sa  makapaliki nila nga komedya samtang nagkanta.

Nagsyinagitay ang kababaenhan sa dihang niawit ang grupong M-Boyz kung diin ang uban sa audience ang nigakos gyud sa mga sakop sa maong grupo nga gilangkuban nila ni Ian, JC ug Dandie.

Gikilig usab ang audience sa dihang niawit ang runner-up sa Mr. Pastillas sa It’s Showtime nga si Christopher “Topher” Labao, ilabi na dihang nag-duet na sila ni Stephanie.

Gipadayag ni Topher atubangan sa daghang tawo nga dili lisod higugmaon si Stephanie gumikan kay maayo kaayo ang batasan niini.

“Speechless” maoy nalitok ni Topher sa dihang gipangutana siya sa host kung unsa ang iyang gibati sa reaksyon sa ilang fans nga bagay silang duha.

Gipadayag usab niya nga grabe ang iyang kalipay sa init nga paghangop sa ilang fans.

Samtang si Stephanie nilengua dayon og “Thank you, thank you for the love”, ug niining higayona nisamot siyanigitay sa mga tawo.

Nilenggua usab si Topher og “Kinikilig ako”, kalabot sa sweet nga lihok nilang duha.

Nag-ugat kining tanan sa dihang trending sa Twitter ang duha sa miaging buwan  gumikan kay nagkagubot ang ilang mga fans tungod sa gi-post ni Topher nga hulagway nilang duha ni Stephanie nga duna’y caption nga: Ang bagong magandang Singer ng Cebu. Congrats sa album mo.”

Usa si Topher sa nahimong guest sa album launching ni Stephanie ug hulagway nilang duha nga nagtupad maoy gi-post sa Twitter.

Tungod niadto, grabe ang  sungog-sungog gikan sa ilang followers.

Pinaagi sa usa ka titulo sa awit, ang ilang  sitwasyon nila ni Stephanie nagtangag sa mensahe nga “Nothing’s Gonna Stop Us Now” ug ilaha  dayon kini nga gikanta.

Wala usab nagpaulahi sa hugyaw niya  nga song number  si  Richard Parajinog  nga nailhan sa kadaghanan isip Mr. Pastillas .

Ang maong kalingawan gumikan sa  paningkamot sa inahan ni Stephanie nga si Aida Patana nga maoy tag-iya sa M-Talents Events and Promotions uban usab sa dakong pag-abag sa magtiayong  Senorito Michel ug Senorita Amparito Lhuillier

Gibutyag ni  Ms. Aida nga grabe gyud ang suwerte nga nahitabo sa iyang kinabuhi karong tuiga gumikan sa kadaghang show nga iyang naumol ilabi na ang pag-provide og mga artista.

Usa kini sa rason nga wala gyud niya kalimti ang paggama og thanks -giving gathering.

Sila si Adrian Diongzon sa ABS-CBN ug Hugyaw editor Ryan Mark maoy mga host sa maong kalingawan.

Law student ang ka-date

Malipayong gibutyag ni Alex Gonzaga nga law student ang ka-date niya karong panahona apan iyang giklaro nga nag-ilhanay pa sila niini.

Lima ka buwan na sila nga nag-date niini ug iyaha ra kini nga ipaila-ila sa publiko sa saktong panahon.

Una na nga gibutyag ni Alex nga gipaila-ila na niya ang maong lalaki ngadto sa iyang mga ginikanan.

Host wa makaila kang  Janella

Mipahungaw sa  iyang gibati ang  singer-actress nga si Jenine Desiderio kalabot sa usa ka  host nga wala makahibalo sa  pangalan sa iyang  anak nga si Janella Salvador sa usa ka event dili pa lang dugay.

Niadtong  Sabado, December 5, nag-post og mensahe  si Jenine sa Facebook  kalabot sa  event kung diin nalakip ang iyang anak nga si Janella.

Suma pa ni Jenine nga wala kaayo matarong sa host ang pagpaila sa iyang anak ngadto sa mga tawo gumikan kay wala kini makaila sa teen star.

“We do not expect to be recognized by all of mankind.But when you’re a host, it’s your job to at least know the name of the artist you will be introducing...even just the first name…especially if she currently appears in your brand’s TVCs & has done so for almost 3 years.... Just saying,  mensahe ni Jenine sa iyang Facebook account.

Wala hinuon niya panganli ang maong event host,  ug gitataw niya sa comment section nga ang iyang anak maoy nakasinati niini.

Dugang pa ni Jenine nga makasabot ra gyud unta siya kung siya pa ang ang nakasugat sa maong sitwasyon.

Duna’y mga nag-ingon, nga  nahitabo ang  maong insidente   sa usa ka event sa  brand sa shampoo nga gi-endorso ni  Janella.

Dugang  pa ni Jenine, “Ok lang naman kung di niya kilala si Jea [Janella] pero since may portion si Jea na siya mag-iintroduce, di ba, dapat inalam muna niya name bago siya sumampa ng stage...? Hindi yung kaharap na niya tapos hindi niya alam ano’ng itatawag.”