Iba ang handa

MANILA, Philippines – Pinangunahan ni Louie Domingo, Emergency Research Center, Inc. for Region IV-A at Claire Guevarra, Eveready Senior Brand Manager ang pagbibigay ng Emergency Preparedness Seminar sa mga residente ng Victoria Laguna. Bumisita din si Laguna 3rd District Representative Sol Aragones, sa nasa­bing programa. Ang event na ito ay kabilang sa ‘DZMM’S TLC Caravan’ na isinagawa sa Victoria Elementary School, na dinaluhan ng humigit kumulang na 500 residente mula sa bayan ng Victoria at karatig bayan sa Laguna. ‘‘Nais naming turuan ng mga tips ang ating mga kababayan dito sa Victoria Laguna kung paano maging handa sa anumang oras ng emergency or sakuna. Laging umaagapay ang Eveready sa pamilyang Pilipino dahil ang kanilang kaligtasan ang aming prioridad. Kabahagi din ng nasabing programa ng Eveready ang pamimigay ng libreng flashlights sa lahat ng mga lumahok sa caravan.