Iya nagpataka og sulti

CEBU, Philippines – Niullbo ang report nga matud pa nasayop si Iya Villania sa iyang speech sa kasal sa iyang bestfriend nga si Nikki Gil ug BJ Albert sa miaging buwan. Imbes  BJ ang   isulti  ni Iya,  nalitok niya ang pangalan sa ex-boyfriend ni Nikki nga si Billy Crawford.  Nahilom matud pa og pipila ka segundos ang venue gumikan sa maong hitabo.

Trabaho ug relasyon

Gipasalig ni Janine Gutierrez   nga dili siya mosunod  sa iyang boyfriend nga si Elmo Maglona kinsa nibalhin sa GMA-7. Gitataw sa aktres nga duna’y separasyon sa ilang  trabaho ug  relasyon.

Kusog sa Middle East

Gikatahong  gilinyahan sa bagang duot sa mga tawo  didto sa Middle East ang pelikulang A Second Chance nga gibidahan nila ni Bea Alonzo ug John Lloyd Cruz.   Pipila ka mga Pinoy sa maong dapit ang nipadayag nga wala gihapon mahupas ang karisma  sa tandem nila ni Bea ug Lloydie.

Vhong nahadlok gihapon

Giangkon ni Vhong Navarro nga bisan taud-taud na ang  nahitabong pagpangulata ni Cedric Lee kaniya , dili gihapon siya mokompyansa busa duna gihapo’y naka-alirong  kaniya nga mga body guard basta motikang siya og pampublikong lugar.Hindi naman nawawala ‘yung takot,” suma pa ni Vhong.

Cherry Pie naospital

Nalandig sa tambalanan niadtong Huwebes si Cherry Pie Picache gumikan  kay ningulngol ang likod nga bahin sa iyang lawas.  Mao kini ra ang rason nga wala siya makatikang sa taping sa seryeng On The Wings of Love.

Nakat-onan

Tsika pa ni Jessy  Mendiola nga bisan sa  mga paet nga sitwasyon nga iyang nasugatan karong tuiga, wala gyud  kini makapahagba sa iyang kaugalingon ug daghan pud siya og mga nakat-onan.  “ Parang rollercoaster ride. Pinatatag mo talaga ako at ginawang matapang na babae,” matud pa ni Jessy.

Personal coach

Kabubut-on  ni  Albie Casiño ang pagkuha og personal nga acting coach aron maka-focus siya sa himoon nga one-on-one workshop.  Usa kini sa rason nga nagkalig-on ang inartehan ni Albie atubangan sa kamera partikular na sa seryeng On The Wings of Love.

Christmas album

Gi-release bag-ohay lang ang first Christmas album nila ni Kathryn Bernardo. Ang maong album nag-ulohan og   “Christmas Love Duets” ug gipaluyohan  kini sa Star