Carla Abellana, nagpasalamat sa mga sumusuporta sa Because Of You!

MANILA, Philippines – Masayang-masaya si Carla Abellana sa mga magagandang feedback na natatanggap niya dahil sa Because Of You. Sobrang feel-good kasi talaga nito at talagang inaabangan ng mga manunuod maging ang mga nakakatawang linya nila roon. Base nga sa AGB Nielsen ay namamayagpag talaga ito sa ra­tings. Kaya naman, labis ang pasasalamat ni Carla sa lahat ng sumusuporta sa Because Of You.

 Hashtags, todo pakilig sa madlang-pipol

Madadagdagan ang saya at good vibes sa lumalaking barkadahan ng It’s Showtime sa pagdating ng pinakabagong all-male group na Hashtags na magdadala ng kilig at magpapainit sa tanghali ng madlang people.

Ang Hashtags ay binubuo ng makikisig na kalalakihang mayroong iba’t ibang personalidad at kanya-kanyang angking talento sa pagsayaw.

Pangungunahan ang grupo ni Zeus Collins, na isa sa naging housemates sa katatapos lamang na Pinoy Big Brother 737.

Bago pasukin ang showbiz, nakilala na siya bilang God of the Dancefloor at mahilig nang sumali sa iba’t-ibang dance contest upang kumita ng pera para sa pamilya.

Makakasama niya ang PBB 737 Teen Big Winner na si Jimboy Martin, na nakilala sa kanyang magaling at mabilis na pagra-rap. Ngunit siguradong mapapabilib din niya ang madlang people sa kanyang paghataw sa It’s Showtime stage.

Kasama rin sa pagpapakilig at pagdadala ng good vibes sa madlang people ang iba pang mga naging housemates ng PBB na sina Tom Doromal at Jameson Blake, ang Star Magic artists na sina McCoy De Leon, Paulo Angeles, Jon Lucas, Ryle Santiago, Ronnie Alonte at ang grand finalists ng Gandang Lalake segment ng It’s Showtime na sina Nikko Natividad at Luke Conde.

Abangan ang Hashtags, ang pina­kabagong miyembro ng barkadahan ng It’s Showtime tuwing tanghali. Para karagdagang impormasyon, i-follow ang It’s Showtime sa Facebook at Twitter (@ItsShowtimena).