Single gihapon

CEBU, Philippines - Gibutyag ni Jerome Ponce nga wala siya’y girlfriend ug usa kini sa rason nga naka-focus siya sa iyang showbiz career. Wala pa makakita si Jerome sa type niya nga girl. Pagka-karon, todo promote ang aktor sa pelikulang Haunted Mansion kung diin kauban niya sila si Janella Salvador ug  Marlo Mortel.

Gimingaw ni Lovi

Gimingaw na og maayo si  Rocco Nacino kang  Lovi Poe ug igo na lang siya motan-aw sa  mga hulagway sa aktres. Wala pa gitino sa duha ka kampo ang rason sa ilang panagbuwag.

Mawili sa anak

Dili pa makasulti si Marian Rivera kung kanus-a siya mobalik sa showbiz gumikan kay nalingaw na siya sa pag-atiman sa anak nila ni Dingdong Dantes nga si Zia. “Kapag tinititigan ko ang anak ko, wow thank you Lord, binigyan niyo ako ng napakasayang biyaya na walang kapantay talaga,” suma pa sa aktres.

Arjo nag-abli og negosyo

Giablihan na sa miaging adlaw ang restaurant nga gipanag-iya ni Arjo Atayde. Suma pa sa aktor nga naggikan sa kita niya sa showbiz sulod sa tulo  ka tuig ang gigamit niya nga puhonan.

Giplantsa na

Mag-uban sa usa ka  Valentine’s concert sunod tuig sila si Martin Nievera ,Regine Velasquez, Angeline Quinto ug  Erik Santos.Gihimo na ang pre-production meeting sa miaging adlaw nga gipasiugdahan sa  direktor nga si Rowell Santiago.

Goodbye fan sign

Gidid-an na si Alden Richards nga mohimo og fan sign aron malikayan ang posibleng pag-edit niini aron gamiton sa pag-endorsar og produkto o ba kaha kandidato sa eleksyon. Gitugtan ra hinuon siya nga mohimo og video greetings.

Suliran sa gugma

Gipadayag ni Felix Roco nga dali ra gyud masakitan ang iyang higala nga si JM de Guzman kung maghisgot na og gugma. Nasayran nga wala gihapon makadawat si JM sa breakup nila ni Jessy Mendiola.

Pasalig ni Heart

Gipasalig ni Heart Evangelista sa iyang fans nga magpabilin gihapon siya nga aktibo sa showbiz bisan pa man nga magsugod na puhon ang kampanya sa eleksyon. Suma pa sa aktres nga kahibalo siya mobalanse sa iyang oras. Midagan pagka-bise presidente ang bana ni Heart nga si Sen. Chiz Escudero.

Andam mahigugma og balik

Gibutyag ni Sunshine Cruz nga bukas siya sa posibilidad nga mahigugma og balik sa saktong panahon. Suma pa sa aktres nga duna pud siya’y katungod nga magmalipayon sa iyang kinabuhi. 

Modaghan ang higala

 Tsika pa ni Polo Ravales nga nalingaw siya sa iyang pagka- freelancer gumikan kay naghatag kini og dakong oportunidad nga makatrabaho ang nagkadaiyang artista sa bisan unsa nga istasyon. Sa maong pamaagi,  mapun-an ang iyang mga higala. (Sanden J. Anadia)

Mariel papirmahon og balik

Human  nilugwa isip guest  host sa finale sa “Pinoy Big Brother 737” sa miaging buwan, malipayon gibutyag ni Mariel Rodriguez nga giplantsa na usab karon ang formal niya nga pagbalik sa  ABS-CBN.

Gipaabot nga mopirma og kontrata ang TV host sa maong network.

 “I had a meeting today and I’m so happy. I’m so excited. We can’t announce it yet but it’s in the works. I’m so happy. God is so good sobra,” saysay pa ni Mariel sa interview niini sa Tonight With Boy Abunda  niadtong Lunes.

Kahinumduman nga nibiya si Mariel sa ABS-CBN niadtong 2011 ug nitapon ngadto sa TV5.

Gipadayag sa TV host nga wala gyud siya kalimot sa dihang giimbitar siya nga mahimong host sa Big Night sa PBB.

“When I got the text that they wanted me to be part of their Big Night, I couldn’t believe it at first. Sabi ko, ‘Is this for real?’ When I got it, I was in Europe. Tapos I felt so honored. To tell you honestly, I felt home. It felt like home,” matud pa niya.

Espesyal kaayo ni Mariel ang PBB gumikan kay usa kini sa nagpasikat  niya kaniadto.

 “It was my friendship with Toni (Gonzaga).’Yun ang pinaka-na-miss ko. It felt so good kasi iba na kami ngayon, may asawa na kaming dalawa. Iba na ang perspective namin sa life, ‘yung views namin sa buhay. Iba na, mas mature na kami. It felt so good. I missed my friend Toni,” panapos pa ni Mariel.

Kita sa Bea-Lloydie movie

miburot  og samot

Gipanglantawan nga maangkon sa pelikula sa Star Cinema nga  “A Second Chance” ang titulong  highest grossing Filipino film of all time sa dili madugay.

Kini human  mikita na og P300 million sulod  sa  unom ka adlaw pa lang nga pagpasalida niini sa mga sinehan.

Ang maong pelikula nila ni John Lloyd  Cruz ug Bea Alonzo gisalida niadtong November 25.

Kasamtangang gihuptan sa pelikulang  “The Amazing Praybeyt Benjamin”  ni Vice Ganda ang record nga highest grossing Filipino film of all time  human mikita kini og P400 million sa tibuok panahon nga pagpasalida niini busa ang maong figure gipaabot nga malabwan sa “A Second Chance” sanglit  padayon pa man nga gisalida ang maong pelikula sa mga sinehan. 

Sa pikas bahin, ang pelikulang “Starting Over Again” sa Star Cinema nga gibituonan nila ni Piolo Pascual ug Toni Gonzaga nihipos og P375 million sa box office pagsalida niini sa nilabay nga tuig.

Ubos sa direksyon ni  Cathy Garcia-Molina ang  “A Second Chance”  naghisgot sa  love story nila ni Popoy (John Lloyd) ug Basha (Bea)  .

Nalakip usab sa maong pelikula sila si  Dimples Romana, James Blanco, Bea Saw, Janus del Prado, ug  Ahron Villena.

Album ni Glaiza naka-gold

Nagmaya ang singer-actress nga si Glaiza de Castro gumikan kay certified gold na ang iyang album nga  ‘Synthesis.’

Ang maong singer ni-post og mensahe sa iyang Instagram account: “Hindi ko na-imagine na mangyayari ito pero sa lahat ng may kopya ng Synthesis, thank you for supporting the music and for making the album gold. Thank you ASAP for the recognition. To all the musicians and friends who helped me put up this album; hindi ako magsasawang magpasalamat sa inyo. Syempre sa pamilya ko at sa nagbigay sa atin ng lahat ng ito. ?”

Kahinumduman nga nagmalampuson usab ang iyang solo concert nga ‘Dreams Never End.’

“Nung una okay na na mabuo ‘yung mga kanta, na ma-share siya, hanggang sa kung saan-saan na nakarating at ngayon naisip ko, ‘Dreams Never End’ nga pala. Sa puntong ito may mahihiling pa ba ako? Wala na siguro. Gusto ko na lang maging masaya ,” saysay pa sa 27 anyos nga si Glaiza.

Maanyag nga kasingkasing ni Jasmine

Bisan pa man sa  ka-busy niya sa showbiz,  gipaneguro ni Jasmine Curtis-Smith  nga  duna siya’y mabuhat nga maayong butang ngadto sa iyang isigkatawo.

Aduna’y lima ka kabos nga bata ang gipa-eskwela karon sa aktres ubos sa programa sa World Vision.

Aktibo usab si Jasmine pag-uban sa provincial Caravan sa World Vision aron modasig pa sa ubang tawo nga mosalmot sa ilang programa.

Ang aktres maoy usa sa mga Ambassador for the Youth sa World Vision kung diin kauban niya sila si Miriam Quiambao, Sam Milby, Nikki Gil, Marc Nelson, Christian Bautista, Julius and Tin Tin Babao, Sam Concepcion, ug Tippy dos Santos.

Nagkanayon ang aktres nga matawag siya nga suwerte nga tawo gumikan kay nahimugso siya nga wala nag-agi og problema sa pinansyal, busa  wala gyud siya nagduha-duha nga motabang sa iyang  isigkatawo isip pasalamat sa tanang blessings nga iyang nadawat.

“I’m fortunate enough to have never felt financial difficulties. Ever since I was a kid, my sister and both my parents were already working. So I was never put in that position,” nagkanayon si Jasmine.

Bisan pa man niini, gihatagan niya og dakong importansiya ang kahago sa iyang ginikanan aron  dili siya makasuway og kalisod.

“My mom worked harder to make sure her siblings would not go through what she had gone through. She paid off their education, and eventually, they were able to secure their own jobs and go to the countries they wanted to go to,” dugang pa niya.

Matud pa niya nga panahon na usab nga mosukli busa dakong kalipay alang kaniya nga makapa-eskwela og mga bata. 

“I have everything I need. I don’t need much. “It’s time for me to pay it forward, not only to my mom, but for the country that she grew up in and the country that she worked hard to be a part of. We’re so blessed to be in the position that we’re in and the attention that we’re given. Might as well make use of it the best way we can,” matud pa sa aktres.

Dili pa lang dugay, usa si Jasmine sa mibisita  sa  Compostela Central School ug nahimong  guest speaker sa  Cebu IT Expo 2015 nga gipahigayon sa  Waterfront Cebu City Hotel and Casino.

“Ang gaan kasi ng feeling kapag nakapagbigay ka ng ngiti sa kapwa mo,” hirit pa niya.

 Aktibo si  Jasmine sa pagsalmot og mga kalihukan nga motabang sa mga biktima sa kalamidad ug usa siya sa  nibulontaryo  kaniadto sa relief  operation sa dihang giigo og  7.2 magnitude nga linog ang Bohol niadtong 2013.

“What’s good with World Vision, no amount is too small to give. It’s the act of giving that they cherish. It can even be your service, talent, your time or your resources,” saysay pa ni Jasmine.

Iyaha usab nga gidasig ang ubang tawo nga duna’y igong pundo nga mopaambit  ngadto sa mga tawong nanginahanglan.

“Dahil sa tulong ninyo, marami kayong mapasaya na mga tawo,” matud pa niya. (BANAT NEWS)