Julia nahilom

CEBU, Philippines - Giingong wala na’y kisaw ang career karon ni Julia Barretto. Nalabwan na ang popularidad niini sa ubang artista sa ABS-CBN.

Christmas gift sa pamilya

Plano ni Nadine Lustre nga  mobakasyon sa Japan karong Pasko ug kauban ang iyang pamilya. Gusto sa aktres nga maka-relax ilabi na karong panahona nga nagpungasi  ang iyang mga trabaho.

James ug Michela nag-uli

Gikatahong nagbalik sila si James Yap ug Michela Cazzola. Malipayon si James gumikan kay gidawat ni Michela ang pagdiskarte niya og balik niini.

Outfit giatngan

Mga iladong designers ang nagama sa mga outfit  ni Sarah Geronimo sa umaabot nga concert nini karong December 4 ug 5 sa Araneta Coliseum. Kini naglangkob nila ni  Rajo Laurel, Rhett Eala, ug  Dennis Celestial .

Maayo ang school grade

Malipayon ang magtiayong  Niño Muhlach ug  Abby Tupaz gumikan kay maayo ang performance sa eskwelahan sa ilang anak nga si Alonzo Muhlach bisan pa man sa ka-busy niini sa showbiz.  Nagtungha ang child star isip Kinder-A sa La Salle Greenhills.

Panawagan ni Karla

Gibutyag ni Karla Estrada nga tawo ra pud sila si Kathryn Bernardo ug Daniel Padilla nga masakitan sa mga negatibong komento  nga gibato kanila. Nanghinaut si Karla nga mohunong na ang mga tawong magsige og panaway sa Kathniel. Kahinumduman nga gilabhan og maayo ang Kathniel human kini miindorsar sa kandidatura ni Mar Roxas pagka-presidente.

Taklub nakadaug

Ang pelikula ni Nora Aunor nga Taklub maoy nakaangkon sa Audience Award sa 16th edition sa  Asiatica Festival.  Ang maong pelikula   gibase sa mga panghitabo sa Pilipinas sa dihang giigo kini sa Bagyong Yolanda ug ubos kini sa direksyon ni Brillante Mendoza.

Type  ni James

Tsika pa ni Bret Jackson nga kahibalo siya sa mga type sa iyang best friend nga si James Reid. Kung maghisgot na og babaye. Gusto ni James ang morena ug hamis og panit. 

Bangs recording artist na

Malipayong gipahibalo ni Bangs Garcia nga usa na siya karon ka recording artist. Gi-release na karon ang awit nga Dalhin Mo Ako Doon. Mapasalamaton si Bangs sa Viva Records gumikan kay natuman na gyud ang iyang pangandoy nga mahimong recording artist.

Sekreto aron magdugay

Gibutyag ni Rhian Ramos nga going strong ang relasyon nila sa iyang car racer boyfriend nga si  Jason Choachuy. Suma pa sa aktres nga grabe gyud ang pagsinabtanay nila ni Jason busa dili gyud sila mag-away niini.

Enchong kever sa viral photo

Gipistahan ang hulagway nila ni Enchong Dee ug Piolo Pascual  nga kuha sa gisalmotan nila nga fun run niadtong Sabado sa Taguig.

Sa maong hulagway, nakapahiyom si Enchong samtang nagtan-aw  kang Piolo ug pipila ka netizens ang nagbugal-bugal niini.

Pipila niini ang gipagawas nga duna’y tam-is nga kahulugan nga gipakita ang pahiyom ni Enchong ngadto kang Piolo.  

Kever  lang  si Enchong sa mga tawong hugaw  og huna-huna ug igo na lang siya mikatawa niini.

Nasayod si Enchong nga nahimo na kining viral photo busa ni-tweet siya  nga tataw palagot sa kontra ug gi-post niya mismo  ang maong hulagway. 

“Dahil viral tong photo na to... Ipa-viral ko pa uli... Tutal mas sira ulo ako,” tweet pa  ni Enchong.

Inahan ni P astillas Girl gipatay!

Patay nga nalandig sa tambalanan niadtong Domingo sa gabii, November 29, si Teresa Yap, ang inahan  ni Angelica Jane Yap o nailhan sa kadaghanan nga “Pastillas Girl” sa  It’s Showtime.

Kini human gidul-it pagpusil sa ulo  didto sa Tagaytay, Cabanatuan Streets, Barangay 131, Caloocan City.

Suma pa sa report sa GMA News, nahitabo ang pagpamusil sa usa ka carenderia sa maong dapit

Matud pa nga gikan sa  simbahan si Teresa, kauban ang usa niya ka anak nga babaye ug  pag-umangkon sa dihang wala pa nahitabo ang insidente. 

Nasayran nga usa ka konsehal sa barangay ang inahan ni  Pastillas Girl.

Nakuhaan sa   CCTV (closed-circuit television) kung diin usa ka  lalaki nga nag- t-shirt og puti ang niduol kang Teresa.

Human sa lima ka minutos  gipusil sa maong tawo ang inahan ni  Angelica ug dali kini nga niikyas.

Nadala pa si Teresa sa Chinese General Hospital apan  pagkataud-taud, nakabsan na kini sa iyang kinabuhi.  Padayon pa ang imbestigasyon sa krimen diin gikatahong daghang hulga ang nadawat sa biktima sa nilabay nga mga bulan.

Apan sa labing ulahi nga update kagahapon,   gisusi ang  anggulo kung duna ba’y love triangle.

Ang inahan ni Teresa nga si Corazon nibutyag nga nagtinguha kaniadto ang iyang anak nga makigbuwag sa iyang boyfriend  gumikan sa kaseloso niini.

4th Impact natagak

Bisan pa man sa abiba sa mga tawo,  giingong dili pa  gyud igo ang labing bag-o nga  performance sa Pinay group nga 4th Impact sa “X Factor UK”

Ang maong grupo maoy natagak niadtong Domingo  kung diin nakauban nila sa bottom two ang singer nga si Lauren Murray.

Gikanta sa 4th Impact ang  Broadway classic nga  “And I Am Telling You I’m Not Going,” samtang si Lauren  niawit sa “Vision of Love.”

: “We just want to thank the British public. The fact that we’re on this stage, this is already a prize for us. Even if we are Filipinos, you guys accepted us and welcomed us in your hearts. That’s unforgettable. Thank you so much,” matud pa sa 4th Impact.

Samtang ang mentor sa maong grupo nga si Fernandez-Versini nagkanayon:  “I’m sad but I’m happy that they went out on this weekend of all weekends because for me, last night, they were phenomenal.”